नेकपा एमाले रसुवाको नयाँ कार्यसमिति चयन

नेकपा (एमाले) रसुवाको अध्यक्षमा कर्णेल तामाङ निर्वाचित हुनुभएको छ । नेकपा एमालेको सदरमुकाम धुञ्चेमा सम्पन्न आठौँ जिल्ला अधिवेशनबाट तामाङको अध्यक्षतामा ७५ सदस्यीय नयाँ कार्यसमिति सर्वसम्मत रुपमा निर्वाचित गरेको हो । तामाङ दोस्रो पटक जिल्ला अध्यक्ष पदमा निरन्तरता पाउनुभएको छ । यसैगरी उपाध्यक्षमा डिल्लीप्रसाद सुवेदी, सचिवमा जर्नादन ढकाल, उपसचिवमा कैसाङनुर्पु तामाङ र बेली बुलुन निर्विरोध निर्वाचित हुनुभएको नेकपा...

कर्णाली प्रदेश सरकारले छिट्टै पूर्णता पाउँछ : मुख्यमन्त्री शाही

कर्णाली प्रदेशका मुख्यमन्त्री जीवनबहादुर शाहीले प्रदेश सरकारले छिट्टै पूर्णता पाउने बताउनुभएको छ । सबै पार्टी अधिवेशनमा केन्द्रित हुँदा सरकार विस्तारमा केही ढिला भएको स्वीकार गर्दै उहाँले अब छिट्टै सरकार विस्तार हुने उहाँले बताउनुभएको हो ।

एमाले तनहुँ अध्यक्षमा श्रेष्ठ निर्वाचित

नेकपा (एमाले) तनहुँको अध्यक्षमा श्रीप्रसाद श्रेष्ठ सर्वसम्मत निर्वाचित हुनुभएको छ । श्रेष्ठ निर्वतमान उपाध्यक्ष हुनुहुन्छ । उहाँ जिल्ला अधिवेशनबाट सर्वसम्मत अध्यक्ष पदमा निर्वाचित हुनुभएको निर्वाचन समितिका संयोजक अधिवक्ता शिवदक्त ढकालले जानकारी दिनुभयो । अन्य पदमा धेरैको दाबी परेपछि सर्वसम्मत हुन सकेको छैन ।

जनता र राष्ट्रलाई धोका दिन्न : सभामुख सापकोटा

सभामुख अग्निप्रसाद सापकोटाले राष्ट्र र जनतालाई धोका हुने काम नगर्ने बताउनुभएको छ । जिल्लाको विकास निमार्ण अनुगमन गर्न सिन्धुपाल्चोक आउनुभएका उहाँले यस्तो बताउनुभएको हो । ‘देश र नागरिकको हित विपरित सदन र सडकबाट कुनै काम गर्न दिन्न’, सभामुख सापकोटाले भन्नुभयो, ‘जनता र राष्ट्रलाई धोका दिने काम मबाट हुँदैन ।’

एमाले कपिलवस्तु अध्यक्षमा शर्मा निर्वाचित

नेकपा (एमाले) कपिलवस्तुको अधिवेशनबाट जिल्ला अध्यक्षमा डम्मर शर्मा निर्वाचित हुनुभएको छ । शीर्षनेताले पदाधिकारी र केही सदस्य पदमा सर्वसम्मत नेतृत्व चयन गर्न नसकेपछि शनिबार दिउँसो ४ बजेपछि निर्वाचन भएको हो । निर्वाचित शर्माले २ सय ३८ मत प्राप्त गर्दा प्रतिद्वन्द्वी बाबुराम खनालले १ सय ८६ र नेत्रराज अधिकारीले सय मत ल्याउनुभएको मुख्य निर्वाचन अधिकृत चन्द्रबहादुर कार्कीले बताउनुभयो ।