वैशाख २० गते स्थानीय तहको निर्वाचन गर्ने आयोगको तयारी

निर्वाचन आयोगका प्रमुख निर्वाचन आयुक्त दिनेशकुमार थपलियाले अहिलेको जनप्रतिनिधिको पाँचवर्षे अवधि पूरा हुँदै गरेका कारण आगामी २०७९ साल वैशाख २० गते ७५३ वटै स्थानीय तहको निर्वाचन गर्ने तयारीमा आयोग जुटिरहेको बताउनुभएको छ ।स्थानीय सरकार रिक्त रहने विषय कल्पनासमेत गर्न नसकिने र उहाँहरुको अवधि थप गर्ने व्यवस्था अहिलेको मितिसम्म नभएका कारण वैशाखभित्र नै तोकिएको समयमा निर्वाचन गर्न आयोग गम्भीर रहेको उहाँले बताउनुभयो...

राष्ट्रिय सम्मेलनबाट माओवादीले नयाँ क्रान्तिकारी विचार निर्माण गर्ने

नेकपा (माओवादी केन्द्र)ले पार्टीको प्रथम राष्ट्रिय सम्मेलनको सम्पूर्ण तयारी पूरा भएको जनाएको छ । पार्टी हेडक्वार्टर पेरिसडाँडामा बुधबार आयोजित पत्रकार सम्मेलनमा प्रवक्ता कृष्णबहादुर महराले राजनीतिक, वैचारिक र प्राविधिक तयारी पूरा भएको जानकारी दिनुभयो । चिनियाँ क्रान्तिका नायक माओको जन्मजयन्तीको सन्दर्भ पारेर माओवादीले यही पुस ११ देखि १३ सम्म राष्ट्रिय सम्मेलन आयोजना गर्नेभएको छ । माओ दिवस यही पुस ११ गते परेको...

पुनर्निर्माणको काम समयमै पूरा गर्न प्रधानमन्त्री देउवाको निर्देशन

प्रधानमन्त्री शेरबहादुर देउवाले पुनर्निर्माणका क्रममा हस्तान्तरण भई सम्पन्न हुन बाँकी कार्य समयमै पूरा गर्न सम्बन्धित निकायलाई निर्देशन दिनुभएको छ । राष्ट्रिय पुनर्निर्माण प्राधिकरण निर्देशक समितिका अध्यक्षसमेत रहनुभएका प्रधानमन्त्री देउवाको अध्यक्षतामा बुधबार बसेको निर्देशक समितिको २१औँ बैठकमा पुनर्निर्माणका बाँकी कार्यमा बजेटको अभाव नहुने विश्वास दिलाउनुभएको थियो ।

प्रतिनिधिसभा अवरुद्ध हुँदा जनतामा निराशाको खतरा बढ्यो : सभामुख सापकोटा

सभामुख अग्निप्रसाद सापकोटाले लगातार प्रतिनिधिसभा बैठक अवरुद्ध हुँदा जनतामा निराशाको भाव पैदा हुने खतरा बढेको भन्दै चिन्ता व्यक्त गर्नुभएको छ । प्रतिनिधिसभा बैठकमा प्रतिपक्षी दल नेकपा (एमाले)ले लगातार अवरोध गर्दा जनतामा निराशाको खतरा बढेको भन्दै उहाँले आफ्ना भनाइ राख्दा लोकतान्त्रिक अभ्यासलाई ख्याल गर्न आग्रह गर्नुभएको छ ।

प्रतिनिधिसभाबाट चार अध्यादेश स्वीकृत: अर्को बैठक पुस १८ गते बस्ने

प्रतिनिधिसभाको अर्को बैठक पुस १८ गते बस्नेगरी स्थगित भएको छ । बुधबारको बैठकमा प्रमुख प्रतिपक्ष दल नेकपा (एमाले)को विरोधबीच चार अध्यादेश स्वीकृत भएका छन् ।