नेपाली कांग्रेस प्रदेश नं २ को नयाँ नेतृत्वका लागि मतदान सम्पन्न

नेपाली काँग्रेस प्रदेश नं २ को पहिलो अधिबेशन अन्र्तगत नयाँ नेतृत्वका लागि जनकपुरधामस्थित गोपाल धर्मशालामा बिहीबार भएको मतदान शन्तिपूर्णरुपमा सम्पन्न भएको छ ।

विधिको शासनमा वकिलको भूमिका महत्वपूर्ण छ : प्रधानमन्त्री देउवा

प्रधानमन्त्री शेरबहादुर देउवाले मुलुकमा विधिको शासन र फौजदारी न्याय प्रशासनलाई प्रभावकारी बनाउन सरकारी वकिलको महत्वपूर्ण भूमिका भएको बताउनुभएको छ । महान्यायाधिवक्ता कार्यालयको ७१औँ स्थापना दिवसका अवसरमा आज यहाँ आयोजित कार्यक्रमको उद्घाटन गर्दै उहाँले मुलुकमा विधिको शासन, मानवअधिकार, नागरिक अधिकार र कानूनको शासनका लागि सधै क्रियाशील हुन आग्रह गर्नुभयो ।

राष्ट्रिय पुनःनिर्माण प्राधिकरण औपचारिक रुपमा हस्तान्तरण

नेपाल सरकारको निर्णयानुसार बाँकी कार्यभार तोकिएका निकायलाई सुम्पिँदै राष्ट्रिय पुनःनिर्माण प्राधिकरणलाई बिहीबार औपचारिक रुपमा हस्तान्तरण गरिएको छ । प्राधिकरणका कार्यभार, काम, संरचना र पुँजीगत विवरण शहरी विकास तथा भवन निर्माण विभाग र राष्ट्रिय विपद् जोखिम न्यूनीकरण तथा व्यवस्थापन प्राधिकरणलाई हस्तान्तरण गर्दै प्राधिकरण आजदेखि बहिर्गमन भएको हो ।

निर्वाचनको तयारीमा आयोग : आचारसंहितालाई व्यवस्थित गरिने

निर्वाचन आयोगले निर्वाचनको तयारी थालेको छ । निर्वाचन सञ्चालन, व्यवस्थापन सम्बन्धी पत्रकारका लागि आयोगल कार्यशाला गरेको छ । धुलिखेलमा आयोजित कार्यशालाको दोस्रो दिन बिहीबार निर्वाचन र आमसञ्चारका विविध आयामका विषयमा छलफल भएको छ ।

संघीय शिक्षा ऐन फास्ट ट्रयाकबाट ल्याउने तयारी

शिक्षा विज्ञान तथा प्रविधिमन्त्री देवेन्द्र पौडेलले संघीय शिक्षा ऐन फास्ट ट्रयाकबाट ल्याउने तयारीमा भएको बताउनुभएको छ । प्रतिनिधिसभा अन्तर्गतको शिक्षा तथा स्वास्थ्य समितिको बैठकमा बोल्दै मन्त्री पौडेलले शिक्षा सम्बन्धी संघीय ऐन संसद्‍मा लाने तयारी गरिएको बताउनुभएको हो ।