चिसो र शीतलहरले बाँकेका विद्यालय तीन दिन बन्द

चिसो बढ्दै गएपछि बाँकेका विद्यालय तीन दिनका लागि बन्द भएका छन् । चिसोका कारण बालबालिका बिरामी पर्न थालेपछि विद्यालय बन्द गरिएको शिक्षा विकास तथा समन्वय एकाइका प्रमुख रामसुरेश यादवले जानकारी दिनुभयो । पछिल्लो सातादेखि बाँकेमा अत्यधिक चिसो बढेको छ । जसका कारण विद्यालयमा पढ्न आएका बालबालिका बिरामी पर्न थालेपछि विद्यालय बन्द गरिएको हो ।

वसन्तपुर क्षेत्रका ३० वटा सम्पदाको पुनर्निर्माण सम्पन्न

विश्वसम्पदा सूचीमा सूचीकृत वसन्तपुर दरबार क्षेत्र (हनुमान ढोका क्षेत्र)का ऐतिहासिक सम्पदा पुनर्निर्माणले तीब्रता पाएको छ । २०७२ साल वैशाख १२ गते गएको भूकम्पबाट क्षति भएको वसन्तपुर दरबार क्षेत्रका सम्पदा पुनर्निर्माणको काम ८० प्रतिशत सम्पन्न भएको पुरातत्व विभागअन्तर्गतको हनुमान ढोका दरबार क्षेत्रका प्रमुख सन्दीप खनालले बताउनुभयो ।

थारु आरक्षणबारे सर्वोच्चद्वारा कारण देखाउ आदेश जारी

विभिन्न सरकारी निकायबाट नयाँ कर्मचारी भर्ना गर्ने उद्देश्यले प्रकाशित हुने विज्ञापन (सूचना) मा थारु आरक्षण कोटाको माग गर्दै सर्वोच्चमा दर्ता गरिएको रिटमा सुनुवाइ गर्दै सर्वोच्च अदालतले कारण देखाउ आदेश जारी गरेको छ ।

ललिता निवास जग्गा प्रकरणका आरोपीविरुद्ध राजस्व छली मुद्दा

राजस्व अनुसन्धान विभागले आनसान इन्टरनेशनल प्रालिका सञ्चालक शोभाकान्त ढकाल, सरोज ढकाल, उमाकुमारी ढकाल, सान्टु श्रेष्ठ तथा उक्त फर्मको लेखापरीक्षण गर्ने राजेश्वर एण्ड कम्पनीका सञ्चालक राजेश्वर श्रेष्ठविरुद्ध उच्च अदालत पाटन, ललितपुरमा राजस्व चुहावटसम्बन्धी मुद्दा दायर गरेको छ ।

धान खरिदको मापदण्डले मारमा किसान

खाद्य व्यवस्था तथा व्यापार कम्पनी लिमिटेड नेपालगञ्जले धान खरिदका लागि बनाएको मापदण्डका कारण बाँकेका किसान मारमा परेका छन् । मङ्सिर २६ गतेबाट धान खरिद सुरु गरिए पनि तीन साताको अवधिमा मात्र ३४ जना किसानले धान बिक्री गर्न पाएका छन् । धान लिएर आएका अधिकांश किसानलाई मापदण्ड नपुगेको भन्दै फिर्ता पठाइएको छ।