खुल्ला छाना र चिसाे भुइँमा उज्यालाे भविष्यकाे लागि पठनपाठन

शारदा नगरपालिका १० पैयाखर्कमा रहेको जनता प्राथमिक विद्यालयको छाना उडाएको दुई वर्ष भए पनि अझै मर्मत नहुँदा पढाई प्रभावित भएको छ । पुस महिनाको चिसो छ । हावा हुरीले उडाएको विद्यालयको छाना मर्मत भएको छैन । सुशिल बिक कक्षा ५ पढ्छन् ।

वादी बालबालिका पढाइबाट वञ्चित   

सुर्खेतको एक छात्रवासमा बस्दै आएका वादी समुदायका बालबालिका पढाइबाट वञ्चित भएका छन् । वादी सरोकार मञ्चले सञ्चालन गरेको छात्रवासमा बसिरहेका १२० मध्ये ७६ जना बालबालिका विद्यालय भर्ना हुन सकेका छैनन् । तीमध्ये ४१ छात्रा र ३५ छात्र छन् ।    

ललिता निवास जग्गा प्रकरण : १२० जना विरुद्ध पक्राउ पुर्जी

ललिता निवास जग्गा हिनामिना गरेको अभियोगमा काठमाडौँ जिल्ला अदालतले १२० जना विरुद्ध पक्राउ पुर्जी जारी गरेको छ । गत आइतबार यता पहिलो पटक ७७ जना र त्यसपछि ४५ जना र आज आठ जना विरुद्ध पक्राउ पूर्जी जारी गरिएको उक्त अदालतका श्रेस्तेदार घनेन्द्र इटेनीले जानकारी दिनुभयो । 

धाराको पानी बरफ बनेपछि..

ढोरपाटन सिकार आरक्षण केन्द्र जाने सडक पूर्ण रुपमा अवरुद्ध भएको छ । बुर्तिवाङ–ढोरपाटन सिकार आरक्ष सडकखण्डको बोवाङको फल्ले घरदेखि ढोरपाटन उपत्यका सडक क्षेत्रमा बाक्लो हिउँ जमेको हुँदा सडक अवरुद्ध भएको हो । ढोरपाटन उपत्यका क्षेत्रमा बसोबास गर्ने नागरिक घरमै थुनिएका छन् ।

गोरखामा ट्रक दुर्घटना हुँदा दुई जनाको मृत्यु, चार घाइते

गोरखामा मिनी ट्रक दुर्घटना हुँदा २ जनाको मृत्यु भएको छ । आरुघाटबाट माछाखोलातर्फ जाँदै गरेको बा ५ ख ६५६६ नम्बरको ट्रक दुर्घटना भएको हो । जिल्ला प्रहरी कार्यालयका प्रहरी नायव उपरीक्षक प्रकाश दाहालका अनुसार दुर्घटनामा ट्रकका चालक र सह–चालकको घटनास्थलमै मृत्यु भएको हो । उनीहरुको सनाखत भने हुन बाँकी रहेको प्रहरीले जनाएको छ । ट्रकमा सवार अन्य ४ जना घाइते भएका छन् ।