लुम्बिनीमा ११ महिनामा १४ लाख पर्यटक

बुद्ध जन्मस्थल लुम्बिनी भ्रमण गर्ने पर्यटकको संख्या वृद्धि भएको छ । प्रदेश सरकारले लुम्बिनी भ्रमण वर्ष मनाइरहँदा सन २०१९ को ११ महिनामा लुम्बिनी भ्रमण गर्ने पर्यटकहरु अघिल्लो वर्षको तुलनामा बढेका हुन् । पर्यटक संख्या बढेपनि उनीहरुको बसाई अवधि भने लम्बिन सकेको छैन ।

सैपाल हिमाल अबलोकन गर्ने पर्यटक घटे

हुम्ला जिल्लाकै पर्यटकीय क्षेत्रमा पर्ने सैपाल हिमाल अबलोकन गर्न जाने पर्यटकहरुको संख्या घटेको छ । महंगो हवाई यात्रा र सैपाल हिमालका बारेमा प्रचार प्रसार नहुँदा उक्त स्थानमा जाने पर्यटकहरुको संख्या घटेको हो ।

नेपाल भ्रमण वर्ष : पाँच हजार व्यक्तिलाई पर्यटकीय तालीम दिइने

नेपाल पर्यटन बोर्डले नेपाल भ्रमण वर्ष २०२० लाई लक्ष्य गरेर पाँच हजार व्यक्तिलाई पर्यटन लक्षित तालीम दिने भएको छ । नेपाल सरकारले सन् २०२० मा २० लाख पर्यटक भित्र्याउने लक्ष्य पूरा गर्न बोर्डले पर्यटनसम्बन्धी विभिन्न क्षेत्रका पाँच हजार व्यक्तिलाई प्रशिक्षण दिन लागेको हो ।

हात्ती महोत्सव पुस १० देखि

अङ्ग्रेजी नयाँ वर्षलाई स्वागत गर्न पर्यटकीय नगरी सौराहामा आगामी पुस १० गतेदेखि हात्ती महोत्सव गरिने भएको छ । छ दिनसम्म सञ्चालन हुने सो महोत्सव १६औँ संस्करण हो । भ्रमण वर्ष सन् २०२० लाई विशेष रुपमा महोत्सवबाटै स्वागत गरिँदैछ ।

शुक्लाफाँटा राष्ट्रिय निकुञ्ज घुम्ने पर्यटक बढ्दै

शुक्लाफाँटा राष्ट्रिय निकुञ्जमा आन्तरिक तथा बाह्य देशका पर्यटकको सङ्ख्या बढ्न थालेको छ । निकुञ्जमा चालू आर्थिक वर्षको पाँच महिनाको अवधिमै ६८५ पर्यटकले अवलोकन गरेका छन् । चालू आवको साउनदेखि हालसम्म स्वदेशी ६०१, सार्क मुलुकका ४० र विदेशी ४४ पर्यटकले निकुञ्ज अवलोकन गरेका छन् । आव २०७५÷७६ को असार मसान्तसम्म स्वदेशी पाँच हजार ७४०, सार्क मुलुकका १५४ र विदेशी १७५ ले निकुञ्ज अवलोकन गरेका थिए ।