भारतमा थप आठ हजार ५०३ जना कोरोना सङ्क्रमित

भारतमा हिजो बिहीबार आठ हजार ५०३ जनामा कोरोना सङ्क्रमण देखापरेको छ । हिजो देखिएको यस सङ्क्रमितहरुमा चार हजार १६९ केरला राज्यका रहेका प्राप्त समाचारमा जनाइएको छ । यसैसँगै कोरोनाको कूल सङ्क्रमितको सङ्ख्या तीन करोड ४६ लाख ७४ हजार ७४४ पुगेको केन्दीय स्वास्थ्य मन्त्रालयले शुक्रबार जानकारी दिएको छ । भारतमा अझै पनि ९४ हजार ९४३ जना सक्रिय सङ्क्रमित रहेका पनि समाचारमा जनाइएको छ ।

इजिप्टका राष्ट्रपति र इरानका विदेशमन्त्रीबीच भेटवार्ता   

इजिप्टका राष्ट्रपति र इरानका विदेशमन्त्रीबीच बिहीबार भेटवार्ता भएको छ । हाल इजिप्टको भ्रमणमा रहेका इरानी विदेशमन्त्री याइर लापिदले इजिप्टका राष्ट्रपति अब्देल फताह अल सिसीलाई बिहीबार भेट गर्नुभएको हो ।

मेक्सिकोमा ट्रक दुर्घटना हुँदा ४९ काे मृत्यु

मेक्सिकोमा ट्रक दुर्घटना हुँदा ४९ जनाको ज्यान जानुकाे साथै ५८ जना गम्भीर घाइते भएका छन् ।मेक्सिकोको दक्षिणी क्षेत्रमा पर्ने चियापास प्रान्तमा ट्रक पल्टिएको रोयटर्सलाई उदृत गर्दै बीबीसीले जनाएको छ । ज्यान गुमाउनेमा बालबालिकासमेत छन् ।

वेबसाइट र्‍याङ्किङ गर्ने साइट ‘एलेक्सा’ बन्द हुँदै

वेबसाइट मापन गर्दै आएको साइट ‘एलेक्सा’ बन्द हुने भएको छ । अमेजनले आफ्नो सहायक कम्पनी ‘एलेक्सा’ सन् २०२२ को मे महिनाबाट पूर्णरुपमा बन्द हुने जनाएको छ ।

भारतमा थप नौ हजार ४१९ जना नयाँ सङ्क्रमित थपिए

भारतमा हिजो बुधबार नौ हजार ४१९ जनामा कोरोना सङ्क्रमण देखापरेपछि कोरोनाको कूल सङ्क्रमितको सङ्ख्या तीन करोड ४६ लाख ६६ हजार २४१ पुगेको केन्दीय स्वास्थ्य मन्त्रालयले बिहीबार जानकारी दिएको छ । बुधबार कोरोना सङ्क्रमणबाट १५९ जनाको मृत्यु भएपछि कूल मृतकको सङ्ख्या चार लाख ७४ हजार १११ पुगेको छ । भारतमा अझै पनि ९४ हजार ७४२ जना सक्रिय सङ्क्रमित रहेका पनि समाचारमा जनाइएको छ ।