दक्षिण कोरियाली राष्ट्रपतिको अनुमोदन रेटिङ बढेर ३९.५ प्रतिशत पुग्यो : पोल

दक्षिण कोरियाली राष्ट्रपति मुन जे–इनको अनुमोदन मूल्याङ्कन गत हप्ताको तुलनामा २.२ प्रतिशत बिन्दुले बढेर ३९.५ प्रतिशत पुगेको एक साप्ताहिक सर्वेक्षणले सोमबार देखाएको छ । मुनको राज्य मामिलाको आचरणमा नकारात्मक मूल्याङ्कन १८ प्रतिशत अंकले ५७.१ प्रतिशतमा झरेको रियलमिटर सर्वेक्षणले देखाएको छ । मुनको सत्तारुढ डेमोक्र्याटिक पार्टीको समर्थन एक साता अघिको तुलनामा १.८ प्रतिशतले बढेर गत ३०.३ प्रतिशत पुगेको छ ।

लिबियाबाट क्यानडामा ७१ शरणार्थी पुनर्वास : संयुक्त राष्ट्र

शरणार्थीका लागि संयुक्त राष्ट्रसङ्घीय उच्चायुक्त(UNHCR)ले आइतबार लिबियाबाट क्यानाडामा ७१ शरणार्थीलाई पुनर्वास गरेको जनाएको छ । "UNHCR ले IOM (International Organization for Migration) को सहयोगमा लिबियाबाट क्यानाडामा ३७ बालबालिका सहित ७१ शरणार्थीलाई पुनर्वास गरेको छ,’ UNHCR ले ट्वीट गरेको छ ।

लिबियाको तटमा ७५ बढी अवैध आप्रवासीको डुबेर मृत्यु

आप्रवासनका लागि अन्तर्राष्ट्रिय संगठन (आईओएम) ले शनिबार पश्चिमी लिबियाको तटमा ७५ भन्दा बढी अवैध आप्रवासीहरू युरोप पुग्ने प्रयासमा समुद्रमा डुबेको बताएको छ।

म्यानमारलाई चीनद्धारा कोरोनाविरुद्धको खोप सहयोग  

म्यानमारलाई चीन सरकारले कोरोनाविरुद्धको खोप सहयोग गरेको छ । पछिल्लो पटक यहाँ १० लाख मात्रा यो खोप पठाएको बताइएको छ । म्यानमारको सूचना मन्त्रालयले सो कुराको सूचना दिएको छ । चीन सरकारले अनुदानमा दिएको सो खोप शनिबार म्यानमारको यांगुन पुगेको सो मन्त्रालयले जानकारी दिएको छ । यहाँ पछिल्लो पटक कोरोनाको प्रभाव पहिलेको भन्दा केही बढेको देखिएको अधिकारीहरुले जनाएका छन् ।    

बङ्गलादेशमा डेढ वर्षपछि पहिलो पटक शनिबार कोरोनाबाट मृत्यु भएन   

बङ्गलादेशमा गएको करिब डेढ वर्षपछि पहिलो पटक कोरोनाबाट कुनै पनि नागरिकको मृत्यु नभएको बताइएको छ । प्राप्त समाचारअनुसार यहाँ शनिबार कोरोना भाइरसको कारण कसैको मृत्यु भएन । यहाँका स्वास्थ्य मन्त्रालयका अधिकारीहरुले सो कुराको जानकारी दिएका हुन् । यहाँका अधिकारीहरुले दिएको जानकारीअनुसार यहाँ सन् २०२० को अप्रिल ३ पछि पहिलो पटक शनिबार मात्र कोरोनाबाट मृत्यु नभएको हो ।