‘गणतन्त्रलाई जनताको जीवनसँग जोड्नुपर्छ’

राष्ट्रपति विद्यादेवी भण्डारीले लोकतान्त्रिक गणतन्त्रलाई जनताको जीवनसँग जोड्नुपर्ने बताउनुभएको छ । उहाँले सामाजिक न्याय, समानता र समृद्धिका माध्यमबाट वास्तविक परिवर्तनको अनुभूति जनतालाई गराउनुपर्नेमा जोड दिनुभएको छ ।

गोरखापत्रको कोहलपुर प्रकाशन आजदेखि प्रारम्भ

गोरखापत्र संस्थानले कोहलपुरबाट पश्चिम क्षेत्रको आफ्नै संस्करण शनिबारदेखि प्रारम्भ गर्दैछ । कोहलपुर प्रकाशनको शुभारम्भ प्रधानमन्त्री शेरबहादुर देउवाले गर्नुहुने कार्यक्रम छ । उक्त अवसरमा प्रधानमन्त्रीले कोहलपुरमा निर्मित गोरखापत्रको कोहलपुर प्रकाशन गृहको उद्घाटन गर्नुहुनेछ । उक्त समारोहमा सञ्चार तथा सूचना प्रविधिमन्त्री ज्ञानेन्द्रबहादुर कार्कीको सहभागिता रहनेछ ।

कोहलपुरमा दस तले दर्शनटुप्पो

पश्चिम नेपालको मुख्य ट्रान्जिटका रूपमा रहेको कोहलपुरमा काठमाडौँस्थित धरहराको झल्को दिने गरी दस तले भ्युटावर (दर्शनटुप्पो)को निर्माण तीव्र गतिमा भइरहेको छ । कोहलपुर नगरपालिका–११ गोलपार्कमा निर्माणाधीन लिफ्टसहितको सुविधा सम्पन्न सो दर्शनटुप्पोको निर्माण कार्य ७२ प्रतिशत सम्पन्न भइसकेको र बाँकी काम पनि जारी रहेको कोहलपुर नगरपालिकाका प्रमुख लुटबहादुर रावतले बताउनुभयो । समग्र पश्चिम नेपाल मात्र नभई भारतीय नागरिकलाई...

बालाजु दुर्घटनाका चालक धादिङबाट पक्राउ

काठमाडौँको बालाजुमा दुर्घटना गरी फरार भएका चालक पक्राउ परेका छन्।  काठमाडौँ महानगरपालिका–१६ गङ्गाहल नजिक सडकमा बिहीबार बिहान सवारी दुर्घटना गरी फरार रहेका चालक धादिङ सिद्धलेख गाउँपालिका–४ घर भएका २९ वर्षीय प्रदीप थपलियालाई शुक्रबार धादिङवेशीबाट पक्राउ गरिएको हो। 

प्रजातन्त्र दिवसमा ५०१ कैदीको सजाय मिनाहा, १२ जनालाई आममाफी

सरकारले राष्ट्रिय प्रजातन्त्र दिवसको अवसरमा ५०१ जना कैदीबन्दीको कैद सजाय माफी दिएको छ भने १२ जनालाई आममाफी दिएको छ । मन्त्रिपरिषद्को सिफारिसमा राष्ट्रिपति विद्यादेवी भण्डारीले कैदीबन्दीको भुक्तान हुन बाँकी कैद कट्टा गरी माफी मिनाहा दिनुभएको हो ।