काँग्रेस सिन्धुलीको सभापतिमा पोख्रेल निर्वाचित

नेपाली काँग्रेस सिन्धुलीको जिल्ला सभापतिमा उपेन्द्रकुमार पोख्रेल निर्वाचित हुनु भएको छ। नेपाली काँग्रेसको १४ औँ महाधिवेशन अन्तर्गत सोमबार सम्पन्न दोस्रो चरणको निर्वाचनमा पोख्रेलले उज्ज्वल बराललाई ४१० मतको अन्तरले पराजित गर्नुभएको हो।

बालकोटमा हाम्रो पार्टी समाप्त पार्ने षड्यन्त्र भयो : माधव नेपाल

नेकपा (एकीकृत समाजवादी) पार्टीका अध्यक्ष माधवकुमार नेपालले बालकोटमा पार्टी समाप्त पार्ने षड्यन्त्र भएको दाबी गर्नुभएको छ। मंगलबार राजधानीमा आयोजित पत्रकार सम्मेलनमा बोल्दै नेपालले यस्तो बताउनुभएको हो। ‘फागुन १ गते पूरै हाम्रो पार्टीविरुद्ध अस्तित्व समाप्त पार्ने षड्यन्त्र भइराखेको थियो’, उहाँले भन्नुभयो, ‘हामीलाई थाहा हुँदैन र बालकोटमा के के षड्यन्त्र भएको थियो ?’

एक्लै चुनाव लड्न एमाले तयार छ : अध्यक्ष ओली

प्रमुख प्रतिपक्षी दल नेकपा (एमाले)का अध्यक्ष केपी ओली पार्टी एक्लै चुनाव लडेर जित्न तयार रहेको बताउनुभएको छ। मंगलबार राजधानीमा आयोजित पत्रकार सम्मेलनमा बोल्दै ओलीले यस्तो बताउनुभएको हो। सत्ता गठबन्धनका दल आगामी चुनावमा तालमेल गरेर अगाडि बढ्ने चर्चा चलिरहेका बेला ओलीले यस्तो बताउनुभएको हो। अध्यक्ष ओलीले स्थानीय वा जुनसुकै चुनावको परिणाम हेर्न चेतावनीसमेत दिनुभएको छ।

प्रसारण लाइनको सबै सम्पत्ति नेपाल सरकारको हुन्छ : विष्ट

अमेरिकी अनुदान सहायता मिलेनियम च्यालेन्ज कर्पोरेसन (एमसीसी) सम्झौता प्रतिनिधि सभाबाट अनुमोदन भएपछि पनि कतिपयबाट सम्पत्ति व्यवस्थापनलगायतका विषयमा भ्रम उत्पन्न गर्ने क्रम जारी छ । तर मिलेनियम च्यालेन्ज एकाउन्ट नेपाल विकास समिति (एमसीए–नेपाल)का कार्यकारी निर्देशक खड्गबहादुर विष्टले प्रसारण लाइन निर्माण गर्दा खरिद गरिने सबै सम्पत्ति नेपाल सरकारको हुने स्पष्ट पार्नुभएको छ ।

‘मित्रराष्ट्रविरुद्ध नेपाली भूमि प्रयोग गर्न दिन्नौ“’

नेपाल सरकारले कुनै पनि मित्रराष्ट्रविरुद्ध नेपाली भूमि प्रयोग हुन नदिन प्रतिबद्धता व्यक्त गरेको छ । मन्त्रिपरिषद्को सोमबार सम्पन्न बैठकले सबै मुलुकसँग मैत्रीपूर्ण सम्बन्ध कायम गर्ने नेपालको परराष्ट्र नीतिको मर्मअनुरूप कुनै पनि छिमेकी मित्रराष्ट्रविरुद्ध नेपाली भूमि प्रयोग हुन नदिने प्रतिबद्धता व्यक्त गरेको हो । बैठकपछि सञ्चार तथा सूचना प्रविधिमन्त्री ज्ञानेन्द्रबहादुर कार्कीले भारत, चीनलगायत अन्य कुनै...