फागुन ७ भित्र नयाँ पार्टी घोषणा गर्ने नेता थापाको तयारी

राष्ट्रिय प्रजातान्त्र पार्टीका पूर्व अध्यक्ष कमल थापाले फागुन ७ गतेभित्र नयाँ पार्टी घोषणा गर्ने बताउनुभएको छ । विराटनगर विमानस्थलमा शुक्रबार पत्रकारसँग कुरा गर्नुहुँदै नेता थापाले नयाँ पार्टी गठन गरी निर्वाचन आयोगमा फागुन ७ गतेभित्रै दर्ता गर्ने बताउनुभयो ।

सम्पर्कमा आएको अग्रवाल परिवारद्वारा सुरक्षा माग

अचानक बेपत्ता भएका काठमाडौँको दरबारमार्गमा सञ्चालित मदिरा पसल ग्रिनलाइन सेन्टर प्रालिका सञ्चालक अमित अग्रवाल र अभिषेक अग्रवाल नेपाल फर्कनुभएको छ । नेपालमा विदेशी मदिराको व्यवसाय गर्दै आएका ओमप्रकाश अग्रवाल उहाँकी पत्नी उषा अग्रवाल तथा छोराहरू अमित र अभिषेक अग्रवालसहित नौ जनाको परिवार पुस तेस्रो साता सम्पर्कविहीन बनेको थियो ।

वडाध्यक्षविरुद्ध भ्रष्टाचार मुद्दा : ३५ लाख बिगो

अख्तियार दुरुपयोग अनुसन्धान आयोगले महोत्तरीको पिपरा गाउँपालिका–५ का वडाध्यक्ष शम्भुप्रसाद यादवविरुद्ध विशेष अदालतमा भ्रष्टाचार मुद्दा दायर गरेको छ । जिल्लाको तत्कालीन सहोडवा गाविस–१ हाल पिपरा गाउँपालिका–५ का वडाध्यक्ष यादवले स्थानीय सुब्बा पोखरी हकभोग गरेबापत गाविस कार्यालयलाई ठेक्काबापतको बुझाउनुपर्ने रकम नबुझाई आफूलाई गैरकानूनी लाभ पुर्‍याई बदनियतपूर्वक सार्वजनिक सम्पत्ति नोक्सानी गरेको आरोपमा उनीमाथि...

मकर मेला स्नानमा बढ्न थाल्यो दर्शनार्थीको घुइँचो

सिन्धुपाल्चोकका जुगल गाउँपालिका–२ गोल्चेका रामहरि सिलवालले आफ्ना बुवाआमालाई पनौती त्रिवेणीघाटस्थित बाह्रवर्षे मकर मेलामा स्नान गराउनुभयो। बाह्र वर्षमा एकपटक लाग्ने मेलामा स्नान गर्दा मनोकाङ्क्षा पूरा हुने र पुण्य मिल्ने जनविश्वास रहेकाले स्नान गर्न ल्याएको उहाँले बताउनुभयो। सोही ठाउँका अर्का मानबहादुर सिलवालले धर्म गरेर केही मिल्छ कि भन्ने मनोकाङ्क्षासाथ मकर स्नान गर्न आएको बताउनुभयो।

मानव अधिकार उल्लङ्घनका ३७८ उजुरी फस्र्योट

राष्ट्रिय मानव अधिकार आयोगले एक वर्षमा तीन सय ७८ वटा उजुरी फस्र्योट गरेको जनाएको छ । नयाँ पदाधिकारी नियुक्त भएपछि आयोगमा एक वर्षभित्र भएका कामको विवरण सार्वजनिक गर्न बुधबार आयोजित पत्रकार सम्मेलनमा आयोगमा परेका नयाँ र पुराना उजुरीका आधारमा उक्त फस्र्योट गरिएको जानकारी दिइएको हो ।