चैत १५ अघि नै कर्मचारी सरुवा र पदस्थापन गर्न निर्वाचन आयोगकाे निर्देशन

निर्वाचन आयोगले आगामी चैत १५ गतेअघि संघ प्रदेश र स्थानीय तहमा कामका लागि खटिएका कर्मचारीलाई आफू पदाधिकार रहेकै कार्यालयमा फिर्ता गर्न सरकारलाई निर्देशन दिएको छ । यस्तो स्थानमा स्वीकृत दरबन्दीको पद र तह अनुसारको कर्मचारी सरुवा र पदस्थापन गरिसक्न निर्देशन दिएको आयोगका प्रवक्ता शालिग्राम शर्मा पौडेलले जानकारी दिनुभयो । सोमबार बसेको आयोगको बैठकले सरकारलाई २३ बुँदे निर्देशन दिएको छ ।

सेना दिवसका अवसरमा मङ्गलबार टुँडिखेलमा कवाज

सङ्घीय लोकतान्त्रिक गणतन्त्र नेपालको प्रमुख सुरक्षा अङ्ग नेपाली सेनाले मङ्गलबार मुलुकभर विविध कार्यक्रम गरी सेना दिवस मनाउँदैछ । राष्ट्रपति विद्यादेवी भण्डारी शिवरात्रि तथा सेना दिवसका अवसरमा सैनिक मञ्च टुँडिखेलमा आयोजना हुने विशेष समारोहमा प्रमुख अतिथिका रूपमा सहभागी हुनुहुनेछ । नागरिकको आस्था र भरोसाको केन्द्रविन्दुका रूपमा रहेको सेनाको उहाँ परमाधिपति हुनुहुन्छ ।

महाशिवरात्रिमा यस्तो छ पशुपति क्षेत्रमा ट्राफिक व्यवस्थापन

महानगरीय ट्राफिक प्रहरी महाशाखाले महाशिवरात्रिका लागि ट्राफिक व्यवस्थापनसम्बन्धी सबै तयारी पूरा गरेको छ । महाशाखाले मङ्गलबार शिवरात्रिमा पशुपति क्षेत्रमा पूजाआजामा आउने भक्तजन एवं दर्शनार्थीको भीडभाडलाई मध्यनजर गरी सहज आवतजावतका लागि ट्राफिक व्यवस्थापन मिलाएको हो । महाशाखाले विभिन्न नाका हुँदै पशुपति मन्दिरभित्र प्रवेश गर्ने भक्तजनका लागि छुट्टाछुट्टै स्थानमा पार्किङकोसमेतको प्रबन्ध मिलाएको छ ।

एमसीसी अनुमोदनसँगै अमेरिकाको प्रतिक्रिया : विद्युत आपूर्तिमा वृद्धि हुने

प्रतिनिधिसभा संसदको फागुन १५ को बैठकले अमेरिकी मिलेनियन च्यालेन्ज कर्पोरेसन (एमसीसी) सम्झौता अनुमोदन गरेको विषयमा काठमाडौंस्थित अमेरिकी राजदूतावासले सोमबार प्रेस विज्ञप्ति जारी गरेको छ । ५० करोड अमेरिकी डलरको एमसीसी कर्पोरेशन अनुमोदन गर्ने वा नगर्ने भन्ने निर्णय सार्वभौम लोकतान्त्रिक राष्ट्रका रुपमा नेपाल सरकारको हातमा रहेको र यो प्रतिबद्धता पूरा गर्दै नेपालले एमसीसी संसदबाट अनुमोदन गरिएको विज्ञप्तिमा उल्लेख...

रुस-युक्रेन द्वन्द्व : २४४ नेपाली सुरक्षित गन्तव्यमा

रुस–युक्रेन द्वन्द्वका कारण प्रभावित २४४ नेपाली सुरक्षित रुपमा आफ्नो गन्तव्यमा पुगेका छन् । गैरआवासीय नेपाली सङ्घ (एनआरएनए) द्वारा गठित ‘रुस–युक्रेन द्वन्द्वप्रभावित नेपालीको सहयोग एवं उद्धार उच्चस्तरीय समिति’ले नेपाली सुरक्षित रुपमा गन्तव्यमा पुगेको जनाएको छ । आज एक प्रेस विज्ञप्ति जारी गर्दै समितिले युक्रेन छाडेर पोल्याण्डामा ६०, स्लोभाकिया र रोमानियामा १२/१२, हङ्गेरीमा चार र माल्डावामा दुईजना सकुशल पुगेका...