आकाशे पुल प्रयोग गर्दैनन् पैदल यात्रु

पैदल यात्रुको सहजताका लागि रुपन्देहीका थुप्रै ठाउँमा आकाशे पुल बनाइएको छ । तर ती सबै पुल प्रयोग हुने गरेको पाइएको छैन । भैरहवा, बुटवलका मुख्य चोकहरुमा आकाशे पुल निर्माण गरिए पनि यसको प्रयोग गर्नेको संख्या न्यून छ । अधिकांश पैदलयात्रु सडकबाटै हिँडेपछि सडकमा सवारीको जाम हुनेगरेको छ ।

पाहुनाविहीन बने तनहुँका होमस्टे

‘सधैं पाहुनाको भिड लाग्ने व्यास नगरपालिका –१३ मा आँपस्वाँरा दलित सामुदायिक होमस्टे अहिले पाहुनाविहिन भएका छन् । कोरोनाले दुई वर्षदेखि पर्यटन व्यवसाय पुरानो लयमा अझै फर्कन नसकेपछि होमस्टे सञ्चालक मर्कामा परेका छन् । पाहुना नआउँदा होमस्टे सञ्चालक कामविहीन भएका छन् ।

काभ्रेभीरमा दैनिक ४ घण्टा सडक बन्द हुने

हिमालपारिको जिल्ला मुस्ताङलाई राष्ट्रिय राजमार्गसँग जोड्ने एक मात्र सडक सञ्जाल बेनी–जोमसोम सडकखण्ड फागुन १ गतेदेखि १५ दिनसम्म दैनिक ४ घण्टा बन्द हुने भएको छ । बेनी–जोमसोम–कोरला सडक अन्तर्गतको बेनी–जोमसोम खण्डको काभ्रेभिर क्षेत्रमा विष्फोटक पदार्थको प्रयोग गरेर सडक फराकिलो गर्नुपर्ने भएकाले दैनिक रुपमा बिहान १० देखि दिउँसो २ बजेसम्म सडक बन्द गरिने भएको हो ।

करेन्ट लागेर सर्लाहीमा एक मजदुरको मृत्यु, एक घाइते

सर्लाहीको बागमती नगरपालिका–२, धरहरामा शनिबार करेन्ट लागेर एक मजदुरको मृत्यु भएको छ । शनिबार बिहान १०ः३० बजेतिर धरहराका स्थानीय कुमार परियारको घरको छत ढलानको लागि रड सेटिङ गर्ने क्रममा बिजुलीको तारमा रडले छुदा करेन्ट लागेर एक जनाको मृत्यु भएको हो ।

हुरी बतासले अवरुद्ध हवाई सेवा सुचारु

शुक्रबार बिहानैबाट हुरी बतास लागेर अवरुद्ध भएको हुम्लाको हवाई सेवा सुचारु भएको छ । हावाहुरी लाग्न रोकिएको भए पनि बिहान एघार बजेबाट मात्र हवाई सेवा सुचारु भएको हो ।