ताप्लेजुङको सुकेटारमा लगातार उडान अवरुद्ध

प्रतिकूल मौसमका कारण ताप्लेजुङको सुकेटार विमानस्थलमा लगातार उडान अवरुद्ध बनेको छ । सोमबार बिहानैदेखि बाक्लो हुस्सुसहित धुम्मिएर मौसम प्रतिकूल बनेपछि नेपाल वायु सेवा निगमको उडान अवरुद्ध बनेको हो ।

हल्का वर्षाको सम्भावना

हाल देशमा वायुको सामान्य प्रभाव छ । उक्त मौसमी प्रणालीको प्रभावले अहिले देशको पहाडी भू–भागमा आंशिकदेखि सामान्य बदली रहेको मौसम पूर्वानुमान महाशाखाले जनाएको छ । आज दिउँसो आंशिकदेखि सामान्य बदली रहनेछ । प्रदेशन नं १ को पहाडी भू–भागको केही स्थानमा हल्का वर्षाको सम्भावना छ । रातिको समयमा पनि प्रदेशन नं १, बागमती र गण्डकी प्रदेशमा आंशिकदेखि सामान्य बदली रहने छ भने बाँकी प्रदेशमा मौसम सफा रहनेछ ।

हिउँले बाटो अबरुद्ध भएपछि साईपाल गाउँपालिकामा खाद्यान्न अभाब

बिहिबार र सुक्रबार भएको हिमपातका कारण चिनको स्वशासित क्षेत्र तिब्बतसँग सीमा जोडिएको साईपाल गाउँपालिका जाने बाटो अबरुद्ध भएपछि गाउँपालिकामा खाद्यान्न अभाब भएको छ । सडक सञ्जाल समेत नजोडिएको गाउँपालिका जाने एक मात्र घोरेटो साइपाल गाउँपालिकाको नाग्नाको लेक (रस्या) लगायत बिभिन्न ठाउँमा बाटो अबरुद्ध भएपछि खाद्यान्न लगायत अन्य दैनिक उपभोग्य बस्तुहरु अभाव भएको हो ।

चिसोले गौशालामै मरे पन्ध्र गाई

तुलसीपुर १८ बेलझुण्डीमा रहेको गौशालामा चिसोका कारण १५ वटा गाई मरेका छन् । योगी आदित्यनाथ फाउन्डेसनले सञ्चालनमा ल्याएको गौशालामा क्षमताभन्दा बढी गाई राख्दा लगातार परेको वर्षा पानीले चिसो भएर गाई मरेको स्थानीयको भनाई छ । गाई मरेपछि जिल्लास्थित प्रशासनिक नेतृत्व टोलीले अनुगमन गरेको छ ।

जीप दुर्घटनाका मृतक परिवारलाई ५० हजार रुपियाँ राहत

प्युठानको गौमुखी गाउँपालिकाले जीप दुर्घटनामा परी ज्यान गुमाएका मृतक परिवारलाई ५० हजार रुपियाँ राहत उपलब्ध गराउने भएको छ । गौमुखी –६ लिवाङमा शनिबार भएको जिप दुर्घटनामा परी मृत्यु भएका परिवारलाई गाउँपालिकाले नगद राहत दिने निर्णय गरेको हो ।