हिउँले कठाङ्ग्रिएर मृगको मृत्यु

बागलुङ ढोरपाटन शिकार आरक्षमा हिउँले कठाँग्रीएर रतुवा मृगको निधन भएको छ । माथिल्लो बुकी तथा जंगल क्षेत्रमा बाक्लो हिमपात भएपछि जाडो छल्न ढोरपाटन उपत्यका झरेको रतुवा हिउँमा फसेर मरेको बताइएको छ ।

सुनौला हजार दिनका आमाहरुलाई पोषण सामग्री वितरण

बिपन्न सुनौला हजार दिनका आमालाई गर्भावस्था, परिवार नियोजन, कोरोना महामारी, र पोषणसम्बन्धी अभिमुखीकरणसँगै पोषण सामग्री बितरण गरिएको छ । महावु गाउँपालिकाका ६ वटै वडामा २५ जना बिपन्न सुनौला हजार दिनका आमालाई सचेतनासँगै सामग्री वितबरण गरिएको महावु गाउँपालिकाले जनाएको छ ।

जग्गा दान गर्ने पाँच दाजुभाइ सम्मानित

सखुवानन्कारकटि गाँउपालिकामा १० शैयाका आधारभूत अस्पताल निर्माणको लागि एक करोड मूल्य बराबरको १० कठा जग्गा दान गर्ने पाँच दाजुभाइ लाई सखुवा नन्कारकटि गाँउपालिकाले दोसल्ला ओढाई सम्मान गरेको छ ।

जिल्ला प्रशासन कार्यालय हुम्लाको सेवा सुचारु

एक हप्ता अघिदेखि बन्द गरिएका जिल्ला प्रशासन कार्यालय हुम्लाको सेवा सोमवारदेखि सुचारु गरिएका छन् । निमित्त प्रमुख जिल्ला अधिकारी दशरथ राईलाई कोरोना लागेको एक हप्ता पुरा भएर उहाँ कोरोना मुक्त भएपछि कार्यालयले सेवा सुचारु गरेको हो ।

चिसो र शितलहरबाट पीडित नेटुवा समुदायलाई सहयोग प्रदान

बढ्दो चिसो र शितलहरबाट पीडित कपिलबस्तुका नेटुवा समुदायलाई राहत सामग्री प्रदान गरिएको छ । सो सामग्री जिल्ला विपद् व्यवस्थापन समितिद्वारा प्रदान गरिएको हो । जिल्लाको शुद्धोधन गाँउपालिका र मायादेवी गाँउपालिकामा बसोबास गर्ने ५२ जना घर परिवारलाई जुत्ता, ज्याकेट, ट्राउजर, महिलाको कपडा लगायत न्यानो लुगा वितरण गरिएको प्रमुख जिल्ला अधिकारी चक्रपाणी पाण्डेले बताउनुभयो । चिसोले नेटुवा समुदायको दैनिकीमा समस्या परेको गुनासो...