गाँजा खेती नष्ट गर्दै सिरहा प्रहरी

 सिरहाको विभिन्न कुना र झ्याङले घेरिएका स्थानहरुमा लुकिछिपी लगाइआएको गाँजा खेती नष्ट गर्दै सिरहा प्रहरी । गाँजाको कारोबारीहरुले यस्तो खेती असार साउनमा सुरु गरेर मङ्सिर पुससम्म गर्ने गर्दछन् ।

उपत्यकामा सवारीसाधनको बाटो निर्धारण हुन सकेन

काठमाडौँ उपत्यकामा कुन मार्गमा कस्ता र कति मात्रामा सवारी साधन चल्ने भनी निर्धारण हुनसकेको छैन । मार्ग निर्धारण हुन नसक्दा कतिपय मार्गमा आवश्यकताभन्दा बढी सवारी साधन हुँदा सवारी चाप बढी छ भने ग्रामीण क्षेत्रमा सवारी साधन कम मात्रै चल्दा स्थानीयवासी हैरान छन् ।

नेपालमा पहिलोपल्ट गोताखोर तालीम

नेपालमा पहिलोपल्ट गोताखोर तालीम सञ्चालन गरिएको छ । युएनडिपीको सहयोगमा सशस्त्र प्रहरी बल नं १ बराह बाहिनी पकली इटहरीले यो तालीम प्रदान गरेको हो । बङ्गलादेशमा सन् २०११ तालीम लिएका २५ मध्ये अहिले १९ जनाबाट सशस्त्र प्रहरी जवानदेखि सशस्त्र प्रहरी सहायक निरीक्षकसम्मका थप १९ जनालाई तालीम सञ्चालन गरिएको सशस्त्र प्रहरी नायब निरीक्षक वीरेन्द्र खनालले बताउनुभयो ।

देशभरका नारायण मन्दिरमा भक्तजनको भीड

कार्तिक शुक्ल एकादशी अर्थात् हरि बोधिनी एकादशीका दिन आज बिहानैदेखि उपत्यकाका चार नारायण, बूढानीलकण्ठ नारायणस्थानसहित देशभरका नारायण मन्दिरमा भक्तजनको भीड लागेको छ ।

मेला हेर्न गएका कार्यपालिका सदस्य मृत फेला

मेला हेर्न गएका पुचौडी नगरपालिकाका कार्यपालिका सदस्य मृत फेला परेका छन् ।