चाँगुनारायण जङ्गलमा चरा गणना सुरु

धेरै प्रजातिको चरा पाइने कथन रहँदै आएको चाँगुनारायण नगरपालिकाको जङ्गल क्षेत्रमा गणना सुरु गरिएको छ । त्रिभुवन विश्वविद्यालयका उपप्राध्यापक कमलराज गोसाइँसहितको टोलीले वडा नं ६ र ७ को सिमाना क्षेत्रमा रहेको मुहानपोखरी आसपास क्षेत्रमा रहेका चराको गणना सुरु गरेको हो । त्रिवि केन्द्रीय वातावरण विज्ञान विभागलगायत विभिन्न कलेजका स्नाकोत्तर तह र विद्यावारिधि अध्ययनरत विद्यार्थी एवं पक्षी संरक्षण सङ्घका प्रतिनिधि...

शीतलहरसँगै चिसो बढ्दै

नेपालको तराई भेगमा भने यति बेला हुस्सु, कुहिरो, शीतलहरसँगै पानी पार्ने गरी बादल लागेपछि जनजीवन कष्टकर बनेको छ । यति खेर नेपालका अधिकांश भूभागमा बादल लागेको छ । पश्चिमी, मध्य भेगका केही स्थानमा वर्षा पनि भएको छ । कतिपय उच्च हिमाली भेगमा हिमपात भइरहेको छ । तराईमा भने हुस्सु, कुहिरो र शीतलहरको चिसोमाथि बदली थपिँदा त्यहाँको मौसम थप चिसो भएको छ ।

गाउँपालिकालाई धुँवामुक्त बनाउन ग्याँस चुल्हो वितरण

सर्लाहीको दक्षिणी भेगस्थित भारतसँग सीमा जोडिएको विष्णु गाउँपालिकाले प्रत्येक परिवारलाई ग्याँस चुल्हो वितरणको काम सुरु गरेको छ ।

दाङमा ईट्टाको मूल्यमा वृद्वि

ईट्टा तयार पार्ने आवश्यक पर्ने कच्चा पदार्थको मूल्य वृद्वि भएको भन्दै दाङ देउखुरी ईट्टा उद्योग व्यवसायी संघले ईट्टाको मूल्यमा वृद्वि गरेको छ । भोलि शुक्रबारदेखि लागु हुनेगरी एक नम्बर ईट्टाको प्रतिईटा १६ रुपियाँ, दुई नम्बर ईट्टाको प्रति ईटा १२ रुपियाँ र तीन नम्बर ईट्टाको मूल्य दश रुपियाँ कायम गर्ने संघले जनाएको छ ।

नेपालगञ्जको तापक्रम यो वर्षकै कम

बिहीबार नेपालगञ्जमा यस वर्षकै सबैभन्दा चिसो भएको छ । जल तथा मौसम विज्ञान कार्यालय कोहलपुरका अनुसार बिहीबार यो वर्षको सबैभन्दा बढी चिसो मापन गरिएको हो । बिहीबार बिहानको तापक्रम ६.८ डिग्री मापन भएको छ । बुधबारसम्म यहाँको तापक्रम ९ डिग्रीसम्म पुगेको थियो । जल तथा मौसम विज्ञान कार्यालय कोहलपुरका प्रमुख वरिष्ठ जल अधिकृत विनोद पराजुलीका अनुसार बिहीबार यो वर्षकै सबैभन्दा कम तापक्रम मापन भएको हो ।