युवतीको शव फेला

धनुषाधाम नगरपालिका–६ मालटोलमा हत्या गरिएको अवस्थामा एक युवतीको शव फेला परेको छ । पूर्वपश्चिम राजमार्गदेखि करिब दुई किमी दक्षिणमा रहेको स्थानीय पदम थापाको आँपको बगैँचामा अन्दाजी २६ वर्षीया युवतीको शव फेला परेको प्रहरीले जनाएको छ ।

मध्यनेपाल नगरपालिकाको कार्यालय बन्द

कोरोना भाइरस (कोभिड १९) संक्रमण बढ्दै गएपछि लमजुङको मध्यनेपाल नगरपालिकाको कार्यालय एक साताका लागि बन्द गरिएको छ । नगरपालिकामा कार्यरत कर्मचारीमा कोरोना संक्रमण देखिएपछि कार्यालय बन्द गरिएको सो कार्यालयले जनाएको छ । नगरपालिकाका विभिन्न स्थानका नागरिकमा संक्रमण बढ्दै गएको र नगरपालिकामा कार्यरत कर्मचारीमै संक्रमण देखिएपछि अत्यावश्यक सेवा बाहेकको सबै सेवा बन्द गरिएको नगरपालिकाले जनाएको छ ।

अत्यावश्यक बाहेकका सबै सेवा स्थगित

जिल्ला प्रशासन कार्यालय रुपन्देहीले अत्यावश्यक सेवा बाहेक अन्य सबै सेवा बन्द गरेको छ । माघ ६ गतेदेखि अर्को सूचना जारी नभएसम्मका लागि कार्यालयबाट सम्पादन हुने शान्ति सुरक्षा, मुद्दासम्बन्धी कार्य र अन्य अत्यावश्यक सेवाबाहेक सेवाहरु स्थगित गरिएको रुपन्देहीका प्रमुख जिल्ला अधिकारी ऋषिराम तिवारीले बताउनुभयो ।

काम गरे आफ्नै देशमा मनग्य आम्दानी

बागलुङको काठेखोला गाउँपालिका– २ भीमापोखरा डहरेका बलबहादुर केसीको जीवनको ऊर्जाशील बाह्र बर्ष रोजगारीको क्रममा साउदीमा बित्यो । छरछिमेकमा जान्ने सुन्ने, समाजसेवी, नेताहरुलाई काम मिलाउन आग्रह गरे पनि पार नलागेपछि उहाँ साउदी साउदी हान्निनुभयो । साउदीमा रहँदा उहाँले भेडा गोठालोको काम गर्नुभयो ।

पत्रकार विश्वकर्माको निधन

पत्रकार एलबी विश्वकर्माको निधन भएको छ । टिभी टुडे टेलिभिजनमा कार्यरत पत्रकार विश्वकर्माको आज बिहान उपचारका क्रममा मृत्यु भएको ललितपुरस्थित पाटन अस्पतालले जनाएको छ । उहाँलाई श्वासप्रश्वासमा समस्या देखिएपछि बुधबार राति अस्पताल लगिएको थियो ।