रुपन्देहीमा २३ सय म्यादी प्रहरी छनोट गरिँदै

आसन्न स्थानीय तह निर्वाचनका लागि रुपन्देहीमा म्यादी प्रहरी भर्ना प्रक्रिया अगाडि बढेको छ । यहाँका २०८ वटा निर्वाचन बुथ, ६१० मतदान केन्द्रमा खटाउन चैत ११ गतेसम्म अवधि दिएर दरखास्त आह्वान गरिएको छ । आइतबारदेखि नै म्यादीमा भर्ना प्रक्रिया अघि बढाइएको जिल्ला प्रहरी कार्यालय रुपन्देहीका प्रहरी उपरीक्षक रविन्द्र रेग्मीले जानकारी दिनुभयो । जिल्लामा दुई हजार ३६० जना म्यादी प्रहरी भर्ना लिइने उपरीक्षक रेग्मीको भनाई...

निर्वाचन मतपेटिकालाई आँखाबाट ओझेल पर्न दिँदैनौं : अध्यक्ष ओली

प्रमुख प्रतिपक्षी दल नेकपा (एमाले)का अध्यक्ष केपी शर्मा ओलीले निर्वाचनमा मतपेटिकालाई आँखाबाट ओझेल पर्न दिन नहुने बताउनुभएको छ । काठमाडौंको बबरमहलस्थित कार्की बैंक्वटमा सोमबार बिहान साढे १२ बजेदेखि सुरु भएको पोलिट्ब्यूरोको पहिलो बैठकमा आगामी वैशाख ३० गते हुने स्थानीय तह निर्वाचनमा भरतपुर र सिराहा काण्ड दोहोरिन सक्ने आशंका व्यक्त गर्नुहुँदै उहाँले सो कुरा बताउनुभएको हो ।

काकाकुल बस्तीमा घरैपिच्छे धारा

खानेपानीको चरम अभाव झेल्दै आएका तनहुँको एक गाउँका बासिन्दा घरैपिच्छे धारा जडान भएपछि हर्षित भएका छन् । लिफ्ट प्रविधिबाट खानोपानीको धारा जडान भएपछि कुवाबाट एक गाग्री पानी ल्याउन एक घण्टा खर्चनुपर्ने बाध्यता हटेपछि म्याग्दे गाउँपालिका–२ झ्यालगैरा, जामुनेका वासिन्दा खुसी भएका हुन् ।

अवैधरूपमा भन्सार छलेर नेपाल भित्र्याइएको १२ क्विन्टल चिनी बरामद

अवैधरूपमा भन्सार छलेर नेपाल भित्र्याइएको साढे १२ क्विन्टल चिनी सशस्त्र प्रहरीले बरामद गरेको छ । भारतबाट राजस्व छलेर अवैध रुपमा भित्र्याइ एक गोदाममा लुकाइ राखेको अवस्थामा सशस्त्र प्रहरीले उक्त चिनी बरामद गरेको हो ।

हँसिया प्रहार गरेर घाइते बनाएको आरोपमा महिला पक्राउ

गर्भवतीलाई हँसिया प्रहार गरेर घाइते बनाएको आरोपमा मेल्लेख गाउँपालिका निवासी एक महिलालाई अछाम प्रहरीले पक्राउ गरेको छ । भैसीले बारीको घाँस खाएको भन्दै आइतबार बेलुकी मेल्लेख गाउँपालिका–३ दर्बा निवासी अमृतादेवी बुढाले सोही स्थान निवासी गर्भवती रहेकी रंगीदेवी बुढालाई हसिया प्रहार गरेर घाइते बनाएको अछाम प्रहरीले जानकारी दिएको छ ।