खुर्सानीको धुलो छर्केर लुटेको आरोपमा दुई जना पक्राउ

आँखामा खुर्सानीको धुलो छर्केर सुन तथा नगद लुटेको अारोपमा दुई जनालाई प्रहरीले पक्राउ गरेको छ । योजनाबद्ध तरिकाले आँखामा खुर्सानीको धुलो छर्की, कुटपिट गरी तत्काल फरार रहेकामध्ये दुई जनालाई प्रहरीले सोमबार पक्राउ गरेको हो । पक्राउ पर्नेमा दाङको सौडीयार गाउँपालिका–६ घर भई हाल काठमाडौं–१० शान्तिनगर बस्ने २८ वर्षीय महेश विश्वकर्मा र दाङकै घोराही उपमहानगरपालिका–८ रतनपुर बस्ने २४ वर्षीय राजेन्द्र सिन रहेका छन् ।

निर्वाचन आचारसंहिता आयोगले निर्णय गरेपछि लागू हुन्छ : प्रवक्ता पौडेल

स्थानीय तह निर्वाचनका लागि निर्वाचन आचारसंहिता निर्वाचन आयोगले निर्णय गरेपछि लागू हुने बताएको छ । आयोगका प्रवक्ता शालिग्राम शर्मा पौडेलले स्थानीय तह निर्वाचनका लागि निर्वाचन आचारसंहिता तयार भइरहेको र अन्तिम रुप दिन आयोग र कानुन मन्त्रालयसँग छलफल गरिरहेको जानकारी दिनुभयो । आयोगले सोमबार गरेको नियमित पत्रकार सम्मेलनमा आचारसंहित निर्माण र छलफलकै क्रममा रहेको प्रवक्ता पौडेलले बताउनुभएको हो ।

स्वरोजगारका लागि व्यवसायमा आकर्षित हुँदै युवा

पछिल्लो समय ग्रामीण युवाहरु व्यावसायिक पशुपालनमा आकर्षित हुन थालेका छन् । कोरोनाले रोजगारी गुमाएका र अन्य काम छाडेका युवाहरु आम्दानीको स्रोत बढाउन कुखुरापालन र कालिज पालनमा जुटेका हुन् ।

म्यादी प्रहरीका लागि चार अर्ब बजेट, एक साता भित्र दरखास्त मागिने

स्थानीय तह निर्वाचन गराउन म्यादी प्रहरी भर्नाका लागि अर्थ मन्त्रालयले बजेट स्वीकृत दिएको छ । प्रहरी प्रधान कार्यालयका प्रहरी वरिष्ठ उपरीक्षक एवं केन्द्रीय प्रहरी प्रवक्ता विष्णुकुमार केसीले चार अर्ब ३९ करोड बजेट अर्थ मन्त्रालयले स्वीकृत गरेको जानकारी दिनुभयो । यता, अर्थ मन्त्रालयका प्रवक्ता धुन्डीप्रसाद निरौलाले म्यादी प्रहरी भर्नाका लागि बजेट स्वीकृत भएको जानकारी दिनुभयो ।

स्नातकोत्तर पढाई खर्चका जुटाउन तरकारी खेती गर्दै विद्यार्थी

तरकारी खेतिबाट मनग्य आम्दानी हुने भएपछि तरकारी खेतिबाटै स्नातकोत्तरसम्मको पढाई खर्चको जोहो गर्नमा विद्यार्थी लागेका छन् । परम्परागत रैथाने बालीबाट घरखर्च धान्न समस्या भएपछि विद्यार्थीले तरकारी खेतीमा लागेर राम्रो आम्दानी गरेका छन् ।