जनताको भावना अनुसार एमसीसी अगाडि बढ्छ : अध्यक्ष नेपाल

नेपाल कम्युनिष्ट पार्टी (एकीकृत समाजवादी) का अध्यक्ष माधवकुमार नेपालले जनताको भावना र चाहना बुझेर मात्र एमसीसी सम्बन्धी प्रक्रिया अघि बढाउने बताउनुभएको छ । एमसीसीको अन्तरवस्तु र जनताको भावना दुवैलाई बुझेर मात्र अघि बढ्ने र एमसीसीको गहिराई बुझेर मात्र लागु पर्ने प्रक्रिया अघि बढाउनु पर्ने उहाँको भनाइ छ ।

हाम्रो एकताले देशमा बलियो सन्देश दिनेछ : प्रचण्ड

नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले नेकपा मसाल (सम्पर्क केन्द्र)बीचको एकताले देशमा बलियो सन्देश दिएको बताउनुभएको छ । नेकपा मसालबाट विद्रोह गरेर माओवादी केन्द्रसँग एकता हुन आएको समूहलाई शुक्रबार पेरिसडाँडामा स्वागत गर्दै प्रचण्डले यस्तो बताउनुभएको हो ।

साठी वर्षपछि काँग्रेस केन्द्रीय समितिमा अछामको प्रतिनिधित्व

नेपाली काँग्रेसको केन्द्रीय कार्यसमितिमा अछामबाट ६ दशकपछि प्रतिनिधित्व भएको छ । खसआर्यतर्फकोे केन्द्रीय सदस्यमा २०१४ मत प्राप्त गरी पूर्व सूचना तथा सञ्चार राज्यमन्त्री गोविन्दबहादुर शाह निर्वाचित हुनुभएपछि काँग्रेस अछामको केन्द्रीय समितिमा प्रतिनिधित्व भएको हो ।

राष्ट्रिय परीक्षा बोर्ड अध्यक्षमा महाश्रम शर्मा नियुक्त

सरकारले राष्ट्रिय परीक्षा बोर्डमा महाश्रम शर्मालाई नियुक्त गर्ने निर्णय गरेको छ । सरकारका प्रवक्ता एवम् सञ्चार तथा सूचना प्रविधिमन्त्री ज्ञानेन्द्रबहादुर कार्कीले मन्त्रिपरिषद् बैठकले शर्मालाई अध्यक्ष नियुक्त गर्ने निर्णय गरेको जानकारी दिनुभयो ।

क्रिसमस डेमा सार्वजनिक बिदा दिने मन्त्रिपरिषद्को निर्णय

सरकारल क्रिमस डेको अवसरमा सार्वजनिक बिदा दिने निर्णय गरेको छ । सरकारका प्रवक्ता एवं सञ्चार तथा सूचना प्रविधिमन्त्री ज्ञानेन्द्रबहादुर कार्कीका अनुसार क्रिसमस डेको अवसरमा सार्वजनिक बिदा दिने निर्णय भएको हो ।