न्यायालयको विवाद केही दिनमै समाधान हुन्छ : प्रधानमन्त्री देउवा

प्रधानमन्त्री शेरबहादुर देउवाले न्यायालयमा देखिएको विवाद केही दिनमै समाधान हुने बताउनुभएको छ । नेपाल बार एसोसिएसनको टोलीसँगको भेटमा प्रधानमन्त्री देउवाले यस्तो आश्वासन दिनुभएको हो ।

कम्युनिस्ट आन्दोलनको निरन्तरताका लागि एमालेबाट विद्रोह : माधव नेपाल

नेकपा (एकीकृत समाजवादी) का अध्यक्ष माधवकुमार नेपालले एमाले कम्युनिस्ट आन्दोलनबाट पतन भएका कारण आफूहरुले विद्रोह गरेको बताउनुभएको छ । समाजवादी पे्रस सङ्गठन सुर्खेतद्वारा आयोजित पत्रकार भेटघाट कार्यक्रममा उहाँले एमाले विकृति, विसङ्गति, व्यक्तिवाद र गुटबन्दीमा लिप्त भएकाले आन्दोलन रक्षाका लागि विद्रोह गर्नुपरेको बताउनुभयो ।

राप्रपाको राजनीतिक, आर्थिक र सामाजिक कार्यपत्र पारित

राष्ट्रिय प्रजातन्त्र पार्टीको केन्द्रीय कार्य सम्पादन समितिले विभिन्न तीन वटा कार्यपत्र पारित गरेको छ । मङ्सिर १५, १६ र १७ गते काठमाडौँमा हुने एकता महाधिवेशनअघि तयार भएका राजनीतिक, सामाजिक र आर्थिक प्रतिवेदन बिहीबार पारित भएको पार्टी केन्द्रीय सचिवाले जनाएको छ ।

एउटा निर्वाचन क्षेत्र भएका ३२ जिल्लामा काँग्रेस अधिवेशन सम्पन्न

सत्तारुढ दल नेपाली काँग्रेसले एक मात्र प्रतिनिधिसभा निर्वाचन क्षेत्र भएका ३२ जिल्लामा अधिवेशन सम्पन्न गरेको छ । मङ्सिर ६ गतेदेखि सुरु भएको एक मात्र प्रतिनिधिसभा निर्वाचन क्षेत्र भएका ३२ जिल्लामा बिहीबार अधिवेशन सम्पन्न भएको काँग्रेस केन्द्रीय निर्वाचन समितिले जनाएको हो ।

नेतृत्व चयनमा मात्र होइन, विचार निर्माणमा केन्द्रित हुनुपर्छ

प्रमुख राजनीतिक दलका गतिविधि पार्टी महाधिवेशन र आगामी चुनावमा केन्द्रित देखिन्छन् । महाधिवेशनमा दलहरुको जोडबल पार्टीको नीति भन्दा पनि नेतृत्व र निर्वाचनमा केन्द्रित हुँदै आएको छ । पार्टीको नीतिमाथि मात्र बहस हुँदा जनताको दैनिकी र देश विकासका मुद्दा ओझेल पर्ने गरेका छन् । महाधिवेशनमा राजनीतिक दलले परराष्ट्र एवम् कूटनीति, शिक्षा, स्वास्थ्य जस्ता नागरिकका आधारभूत आवश्यकतामाथि बहस कमैमात्र गर्ने गरेका छन् ।