चितवनको पूँजीगत खर्च ६ प्रतिशतभन्दा कम

चालु आर्थिक वर्ष २०७८/७९ को पाँच महिनाको अवधिमा चितवनमा पूँजीगत खर्च ६ प्रतिशतभन्दा कम रहेको छ । जिल्लामा सङ्घीय सरकारको बजेटबाट करिब ६ प्रतिशत तथा प्रदेश सरकारको बजेटबाट करिब चार प्रतिशतमात्रै पूँजीगत खर्च भएको छ । कोष तथा लेखा नियन्त्रक कार्यालयका नियन्त्रक मुक्तिप्रसाद चापागाईँका अनुसार जिल्लामा सङ्घीय सरकारको बजेटबाट मङ्सिर मसान्तसम्म रु ५४ करोड २१ लाख २९ हजार पूँजीगत खर्च भएको छ । चालु आवका लागि सङ्घीय सरकारले...

अवैध लागूऔषधसहित फर्पिङबाट एकजना पक्राउ

काठमाडौंको दक्षिणकाली नगरपालिका(५ फर्पिङबाट अबैध लागूऔषधसहित प्रहरीले एक जनालाई पक्राउ गरेको छ ।

राजमार्गभन्दा भित्री सडक जोखिमपूर्ण

जिल्लाका भित्री सडकमा सवारी दुर्घटनाको जोखिम बढी हुने गरेको छ । पछिल्ला केही वर्षको तथ्याङ्क हेर्ने हो भने मुख्य राजमार्गभन्दा भित्री सडक बढी जोखिम हुने गरेको पाइन्छ । चालु आर्थिक वर्ष २०७८/७९ को मङ्सिरसम्म सवारी दुर्घटनामा ६० जनाको मृत्यु भएको छ । २५ जनाको भित्री सडकमा भएको सवारी दुर्घटनामा ज्यान गएको हो । यही अवधिमा जिल्लाभर २२४ वटा सवारी दुर्घटना भएका छन् । यीमध्ये भित्री सडकमा मात्रै १०२ वटा सवारी दुर्घटना...

काभ्रे प्रशासनद्वारा आलोपालो सेवा प्रवाह

जिल्ला प्रशासन कार्यालय काभ्रेपलाञ्चोकले कार्यालयमा सेवाग्राहीको भीड लाग्न थालेपछि आउँदो बिहीबारदेखि सेवाको तालिका हेरफेर गरेको छ । कार्यालयले सूचनामार्फत सार्वजनिक अपिल गर्दै कोभिड–१९ को नयाँ भेरियन्टको जोखिमलाई दृष्टिगत गर्दै स्वास्थ्य मापदण्ड अपनाइ सेवा लिनसमेत आग्रह गरेको छ । दैनिकरूपमा नागरिकतालगायतका सेवा लिन आउनेको सङ्ख्या बढिरहेकाले भीड कम गर्न समयतालिका हेरफेर गरिएको प्रमुख जिल्ला अधिकारी शिवराम...

राष्ट्रिय परिचयपत्रका लागि ९४ हजारले बुझाए विवरण

भक्तपुरमा राष्ट्रिय परिचयपत्रका लागि विवरण सङ्कलन कार्य सुरु भएयता ९२ हजारभन्दा बढीले फोटोसहितको विवरण बुझाएका छन् । नेपाल सरकारको कार्यक्रमअनुसार जिल्ला प्रशासन कार्यालय भक्तपुरले जिल्लाको चारवटै नगरपालिकामा सञ्चालन गरेको अभियानमा ९२ हजारभन्दा बढीले राष्ट्रिय परिचयपत्रका लागि विवरण बुझाएको र अभियान सम्पन्न हुने समयसम्ममा एक लाखभन्दा बढीले विवरण बुझाउने आकलन गरिएको भक्तपुरकी प्रमुख जिल्ला अधिकारी रुद्रादेवी...

ट्रकको ठक्करबाट पैदल यात्रुको मृत्यु

ललितपुरमा ट्रकको ठक्करबाट एक जना पैदल यात्रुको मृत्यु भएको छ । ललितपुर महानगरपालिका–३ धोबीघाटस्थित सडकमा प्रदेश नम्बर ७–०१–००१ ख २९०१ नम्बरको ट्रकको ठक्करबाट सोही महानगरपालिका–४ बागडोल घर भएका ७० वर्षीय बद्री श्रेष्ठको शनिबार बिहान मृत्यु भएको हो ।

सवारी दुर्घट्नामा एक जनाको मृत्यु

मदन भण्डारी राजमार्ग अन्तर्गत सिन्धुलीको दुधौली नगरपालिका– १ कुर्थौलीस्थित एक्ले आँपको मोडमा सबारी दुर्घट्नामा शनिबार एक जनाको ज्यान गएको छ । ज्यान गुमाउनेमा धनुषाको सखुवा महेन्द्रनगर निवासी १९ बर्षिय रबीकुमार यादब रहेको जिल्ला प्रहरी कार्यालयले जनाएको छ ।

ऐतिहासिक गढीको संरक्षणका लागि पदमार्ग निर्माण सुरु

दोलखाको तामाकोसी गाउँपालिकाले यहाँ रहेको ऐतिहासिक गढीको संरक्षण तथा सम्वद्र्धनका लागि सुविधा सम्पन्न पैदलमार्ग निर्माण कार्य सुरु गरेको छ । गाउँपालिकाको सातवटै वडाको सङगमस्थलका रुपमा रहेको सो गढी संरक्षणका लागि कालीदेवी मन्दिर–देउरालीगढी–हिले गढीसम्मको करिब १५ किलोमिटर लामो सो पदमार्गको निर्माण सुरु गरिएको पालिका अध्यक्ष ईश्वचन्द्र पोखरेलले जानकारी दिनुभयो ।

ट्रक दुर्घटनामा एक जनाको मृत्यु

आज बिहान मेलम्ची नगरपालिका– १० शिखरपुरमा ट्रक दुर्घटना हुदाँ एक जनाको मृत्यु भएको छ । इलाका प्रहरी कार्यालय मेलम्चीका प्रहरी निरिक्षक टीकाराम राईले बा २ ख ३६८९ नम्बरको ट्रक दुर्घटना हुदाँ जुगल गाउँपालिक सेलाङका ३३ बर्षीय कमल कार्कीको मृत्यु भएको जानकारी दिनुभयो ।

चितवनमा चालु आर्थिक वर्षमा उन्नाइस गैँडा मरे

चितवन राष्ट्रिय निकुञ्जमा चालु आर्थिक वर्षमा १९ गैँडा मरेका छन् । मरेका गैँडामध्ये दुई चोरी सिकारीले मारेको आशङ्का गरिएको छ । अन्य कालगतीले मरेका हुन् । निकुञ्जका प्रमुख संरक्षण अधिकृत हरिभद्र आचार्यका अनुसार चालु आवको साउनमा छ, भदौमा दुई, असोजमा एक, कात्तिकमा तीन, मङ्सिरमा पाँच र पुसमा दुई गैँडा मरेका हुन् । मरेका गैँडामा बूढो भएर पाँच, भासिएर पाँच, पानीमा डुबेर दुई, जुधेर चार र बाघको आक्रमणबाट एक गैँडा मरेको जनाइएको...