बन्दाबन्दीमा खरबुजा फलाएर एउटै टोलले कमायो ५० लाख

झापाको मेचीनगर नगरपालिका–९ खुट्टेडाँगीको एउटै टोलका किसानले बन्दाबन्दीको अवधिमा खरबुजा फलाएर रु ५० लाख आर्जन गरेका छन् । विगतमा प्रायः खोलाको बालुवामा खरबुजा खेती हुने गरेको थियो तर खुट्टेडाँगीका अगुवा किसान डिल्लीप्रसाद उप्रेतीले गत वर्ष धान र मकैखेती हुने जग्गामा समेत खरबुजा फल्छ भनेर प्रमाणित गरिदिएपछि टोलवासी खरबुजा खेतीमा उत्साहपूर्वक लागे ।

पर्वतमा पहिरोमा पुरिएर तीनको मृत्यु, छ जना बेपत्ता

पर्वतको कुश्मा नगरपालिका वडा नं. ३ दुर्लुङमा गएराति गएको पहिरोमा पुरिएर तीन जनाको मृत्यु भएको छ भने छ जना बेपत्ता छन् । शनिबार भीषण वर्षासहित खसेको पहिरोले स्थानीय तुलबहादुर थापा र कमला विकको घर पुरेको थियो ।

बेलहिया नाकाबाट ४०७ भित्रिए, ४२८ बाहिरिए

रुपन्देहीको बेलहिया नाका भएर शनिबार ४०७ जना नेपाली नेपाल भित्रिएका छन् । त्यस्तै बेलहिया नाका भएर शनिबारै ४२८ जना भारतीय नागरिक भारत प्रवेश गरेको इलाका प्रहरी कार्यालय बेलहियाले जानकारी दिएको छ । अघिल्लो दिनको तुलनामा भारत प्रवेश गर्नेको सङ्ख्या भने कमी देखिएको छ ।

भारतबाट नेपाली आउने क्रम जारी, एक हजार ७९२ भित्रिए, ५८० भारतीय बाहिरिए

सुदूरपश्चिमका दुई मुख्य सीमा नाकाबाट शनिबार एक हजार ७९२ भित्रिएका छन् भने नेपालमा रोजगारीका लागि आएका भारतीय नागरिक ५८० बाहिरिएका छन् । जिल्ला प्रहरी कार्यालय कञ्चनपुरका अनुसार शनिबार साँझसम्म कञ्चनपुरको गड्डाचौकी नाकाबाट ४३८ नेपाली भित्रिएका छन् भने ५० जना भारतीय नागरिक आफ्नो देश फिर्ता गएका छन् ।

स्थानीय तहमा कानूनी सल्लाहकार नहुँदा न्याय सम्पादनमा समस्या

जिल्लाका अधिकांश स्थानीय तहमा लामो समयदेखि कानूनी सल्लाहकार नहुँदा न्यायिक समिति अलमलमा पर्ने गरेका छन् । नौ स्थानीय तह रहेको जिल्लामा अहिलेसम्म जोरायल गाउँपालिकाबाहेक कुनै पनि स्थानीय तहले कानूनी सल्लाहकार राख्न सकेका छैनन् । यतिमात्र नभई यहाँका आठ स्थानीय तहमा गठन गरिएका न्यायिक समितिले इजलाससमेत बनाउन सकेका छैनन् । नगर तथा गाउँपालिकाका न्यायिक समितिमा अन्यायमा परेका व्यक्तिले उजुरी दिने गरे पनि बहसका लागि...