रुपैडियानाकाबाट आएका २८ जनालाई क्वारेन्टाइनमा राखिने

रुपैडिया नाकाबाट आएका जुम्लाका २८ जनालाई कर्णाली प्राविधिक शिक्षालयको क्वारेन्टाइनमा राखिने भएको छ । जिल्लाको नाग्म सिमानामा आउनेबित्तिकै नेपाली सेना र जिल्ला प्रहरीद्वारा स्कर्टिङ गरेर कडा सुरक्षाका साथ सिधै क्वारेन्टाइनमा राखिने जनस्वास्थ्य कार्यालय प्रमुख कृृष्ण सापकोटाले बताउनुभयो ।

कालिका मन्दिर परिसरमा चरीको चिरबिरमात्रै

शनिबार बिहान ८ बजेको थियो । चरीको चिरबिर र सालका पातको सल्याङमल्याङबाहेक मन्दिर परिसरमा कोही थिएन । प्रवेशद्वारबाट भित्र लागेपछि अलि पर मन्दिर छेवैमा केही कर्मचारी सरसफाइको काम गरिरहेका थिए । मन्दिरको मुख्य ढोकाभन्दा अघिपट्टि टिनटिन बज्ने घण्टीले बज्न नपाएको धेरै भएको छ । मन्दिर परिसरमा दैनिक पुग्ने पुजारी र सरसफाइमा काम गर्ने स्वयंसेवकबाहेक ती घण्टीले अरु कसैलाई नदेखेको दुई महिना बित्यो ।

हावाले टनेलको छानो उडाएपछि कृषक मारमा

कोरोनाको मारसँगै जारी बन्दाबन्दीले जनमानस आक्रान्त बनिरहेको अवस्थामा पोखरा–१४ स्थित छिनेडाँडाका कृषकलाई गोलभेँडा लगाइएको टनेल हावाले उडाएपछि मार थपिएको छ । राधिका एकीकृत कृषक समूहमा आबद्ध कृषकले एक रोपनी क्षेत्रफलमा लगाएको गोलभेँडा भर्खरै फल्न लागेको अवस्थामा शुक्रबार दिउँसो आएको हावाहुरीसहितको पानीले क्षति पु¥याएको हो ।

सङ्क्रमण पुष्टि भएपछि सिरहाको मौवाही सिल

कोरोना सङ्क्रमित भेटिएपछि सिरहाको सुखवानान्कारकट्टी गाउँपालिका–१ स्थित मौवाही र त्यस आसपासको क्षेत्रलाई शनिबार साँझबाट सिल गरिएको छ ।

भारतीय नागरिकको आक्रमण रोक्न सीमामा हवाई फायर

दक्षिण झापाको कचनकबल–१ घेराबारीमा शनिबार राति सयौँको सङ्ख्यामा नेपालतिर जबर्जस्ती पस्न खोज्ने भारतीय नागरिकलाई रोक्न सीमामा तैनाथ सुरक्षाकर्मीले हवाई फायर गरेका छन् ।