लण्डन, माघ ८ गते । गैरआवासीय नेपाली संघ (एनआरएनए) को आयोजनामा हुने दोश्रो एनआरएन विज्ञ सम्मेलन आगामी अक्टोबरमा हुने भएको छ ।
गैरआवासीय नेपाली संघका महासचिव डा. हेमराज शर्माका अनुसार सो सम्मेलन काठमाडौं विश्वविद्यालय, धुलिखेलमा हुने भएको हो ।
यसैबीच संघको एक टोलीले बुधवार काठमाडौं विश्वविद्यालयका उपकुलपति, डिनहरु, विभागीय प्रमुखहरुलगायत उच्चपदाधिकारीसँग छलफल गरेको छ ।
संघका पदाधिकारीसहित काठमाण्डौं विश्वविद्यालय पुगेको टोलीले सम्मेलनलाई उपलब्धीमूलक बनाउन घनिभूत छलफल भएको महासचिव डा. शर्माले जनाउनुभयो ।
संघको टोलीमा उपाध्यक्षहरु सोनाम लामा, मन केसी, कोषाध्यक्ष महेश श्रेष्ठलगायतको उपस्थिती थियो ।
यसअघि संघले एनआरएन विज्ञ सम्मेलनबारे परराष्ट्र मन्त्रालयलगायत नेपाल सरकारका उच्च पदस्थ अधिकारीसँग छलफल गरेका थियो ।
२०८१ मंसिर ८ शनिवार
