ज्ञानेन्द्र गदाल
असारै मैना पानी है प¥यो, भिजायो गैरी खेत
यो वर्ष पनि रोपाइँको बेला, हुने भो हाम्रो भेट ।
त्यो गैरी खेतमा रोपौंँला धान, भिजेर पानीमा
गाउँला गीत लाउँला प्रीत, यो जिन्दगानीमा ।
हिलाम्मे भयो खेतको आली, कुलाको पानीले
रोप्तैछन् मिली धानको बीउ, रोपारे नानीले
दाजु र भाइको फुर्तिलो चाला, लाउँदैछन् बियाड
असारे फूलझैँ फक्रेको फूलमा, होला है पियार ।
यो बेला हाम्रो रोपेर मानो, फलाउने मुरी हो
सबैले मिली परिश्रम गरे, चुलिने धुरी हो ।
साँझको बेला कराउन थाले, झ्याउँकीरी वनमा
पौरख गरौँ प्रीतिको फूल, फुलाई मनमा ।
