कोरोना कहर : ४६ मजदुरकोे उद्वार

चितवनको गाउँपलिका इच्छाकामनाले विभिन्न स्थानमा अलपत्र परेका आफ्ना गाउँपालिकावासी नागरिकको उद्वार गरेको छ । कोरोना भाइरसको प्रभावका कारण जारी लकडाउनका समयमा ४६ नागरिक अलपत्र परेको खबर आएसँगै गाउँपालिकाले उद्वार गरेको हो ।

थप तीन अस्पतालमा फिवर क्लिनिक सञ्चालन हुने

पोखरामा विभिन्न चार अस्पतालमा ज्वरो मापन (फिवर क्लिनिक) सञ्चालन गरिने भएको छ । कोरोना भाइरसबाट सम्भावित सङ्क्रमितको उपचारमा सघाउन पोखरा स्वास्थ्य विज्ञान प्रतिष्ठानसहित मणिपाल शिक्षण अस्पताल नदीपुर, चरक मेमोरियल अस्पताल नागढुङ्गा र पृथ्वीचोकस्थित गण्डकी मेडिकल कलेजमा फिवर क्लिनिक सञ्चालन हुन लागेको हो ।

लकडाउनको प्रभाव : भैँसीको दूध भैँसीलाई नै खुवाउनुपर्ने बाध्यता

विश्वव्यापी महामारीका रूपमा फैलिएको कोरोना भाइरको सङ्क्रमण फैलन नदिन जारी भएको लकडाउनका कारण दूध उत्पादन गर्ने गाईभैँसीपालक कृषकहरु समस्यामा परेका छन् । लकडाउनसँगै बजार क्षेत्रमा बसोबास गर्ने मानिसहरु गाउँ फर्किएको र बजार सुनसान भएका कारण खपत हुन छाडेसँगै उत्पादन भएको दूध गाइभैँसीलाई नै खुवाउनुपर्ने बाध्यता आएको कृषकहरुको गुनासो छ ।

५९ जनाको स्वाब टेष्ट, ४२ को रिपोर्ट नेगेटिभ

प्रदेश नं १ मा कोभिड १९ को आशङ्कामा बिहीबारसम्म ५९ जनाको स्वाब टेष्ट गरिएकामा ४२ को रिपोर्ट नेगेटिभ आएको छ ।

मजदुरको छाक टार्न घरदैलोबाट फुडबैंक

धनगढी उपमहानगरपालिका–३ गुरुद्वार टोलका स्थानीय युवाले टोलवासीको घरदैलोबाट राहत सङ्कलन गरेर फुड बैंकको स्थापना गरेका छन् । कोरोना भाइरसको जोखिम नियन्त्रणका लागि सरकारले आह्वान गरेको लकडाउनका कारण दैनिक छाक टार्न मजदुरी गर्ने मजदुरका लागि घरदैलोबाट राहत सङ्कलन गरेर फुडबैंक स्थापना गरिएको युवा समाजसेवी मदन भट्टले बताउनुभयो ।

सहकारी दिवसको खर्च कोराना नियन्त्रण कोषमा

बागलुङ जिल्लामा क्रियाशील आदर्श सञ्चार सहकारी संस्था लिमिटेडले राष्ट्रिय सहकारी दिवस मनाउनका लागि छुट्टयाएको रकम कोरोना रोकथाम तथा नियन्त्रण कोषमा सहयोग गरेको छ ।

रगत सङ्कलन गर्न ‘मोबाइल अभियान’

लकडाउनका कारण दाङमा रगतको अभाव देखिएपछि रक्तदानका लागि ‘मोबाइल अभियान’ शुरु गरिएको छ । अभियानअन्तर्गत जहाँबाट रक्तदाताको फोन आउँछ, त्यही स्थानमा गएर रगत सङ्कलन गरी बिरामीसम्म पु¥याइनेछ । रक्तसञ्चार सेवा केन्द्र, घोराहीका प्रमुख दिलीप न्यौपानेका जानकारीअनुसार बन्दका कारण रगत अभाव भइरहेको र त्यसलाई पूर्ति गर्न सामाजिक अभियन्ताको सहयोगमा ‘मोबाइल अभियान’ शुरु गरिएको हो ।

‘लकडाउन’ लम्बिँदा आश्रम समस्यामा

‘लकडाउन’ का समय लम्बिँदै गएपछि मुठ्ठी दानबाट सञ्चालन हुँदै आएको नेपालगन्ज र कोहलपुरको नीलसागर असहाय सेवा केन्द्र आश्रमलाई आश्रितहरुको पालनपोषणमा समस्या पर्न थालेको छ । प्रदेश नं ५ सरकारको सहयोगापेक्षी सडकमुक्त कार्यक्रम अनुसार, बाँकेका विभिन्न स्थानबाट उद्दार गरिएका बेसहारा, असहाय जेष्ठ नागरिक र बालबालिकालाई अहिले नेपालगञ्जस्थित नीलसागर असहाय सेवा केन्द्र आश्रममा राखिएको छ ।

दाङमा एक हजार सवारी साधन कारवाहीमा

दाङमा प्रहरीले ‘लकडाउन’को अवज्ञा गरेको भन्दै एक हजार ५१ वटा सवारीका साधन नियन्त्रणमा लिएको छ । दाङ प्रहरीले चैत ११ गतेदेखि १९ गतेसम्म एक हजार ५१ वटा सवारी साधन नियन्त्रणमा लिएको हो ।

कोरोना नियन्त्रण कोषलाई आयल निगमले दियो ५० करोड

नेपाल आयल निगमले कोरोना भाइरस सङ्क्रमण रोकथाम, नियन्त्रण तथा उपचार कोषमा रु ५० करोड सहयोग गरेको छ । निगम सञ्चालक समितिको बुधबार बसेको बैठकले उक्त सहयोग गर्ने निर्णय गरेको हो ।