वाणिज्य बैङ्क :कर्जा घट्दा निक्षेप वृद्धि

निक्षेप थपिने क्रम सुस्ताएपछि वाणिज्य बैङ्कले कर्जा प्रवाहमा नियन्त्रण गर्न थालेका छन् । कर्जा लगानी घट्दा निक्षेप भने बढी देखिएको छ । माघ र फागुन दुई महिनाको तथ्याङ्कमा समग्र वाणिज्य बैङ्कले कर्जा प्रवाहमा सङ्कुचन ल्याउँदा २१ अर्ब रुपियाँभन्दा बढीले निक्षेप बढेको देखिएको छ । कर्जाको वृद्धि साढे १७ अर्ब रुपियाँको हाराहारीमा रहेको छ ।

लघुवित्तको वित्तीय स्थिति राम्रो

लघुवित्त वित्तीय संस्थाको वित्तीय स्थिति सन्तोषजनक देखिएको छ । पछिल्लो समय यी संस्थाको सङ्ख्या घटे पनि शाखा सङ्ख्या बढेको छ । नेपाल राष्ट्र बैङ्कको पछिल्लो तथ्याङ्कअनुसार २०७८ पुस मसान्तमा समग्रमा लघुवित्त वित्तीय संस्थाको जोखिम भारित सम्पत्तिको अनुपातमा प्राथमिक पुँजी ११.२८ प्रतिशत र पुँजीकोष १२.४३ प्रतिशत रहेको छ । यस अवधिमा लघुवित्त वित्तीय संस्थाको चुक्ता पुँजी २०७८ असार मसान्तको तुलनामा १६.५७ प्रतिशतले...

निर्जीवन बीमा प्रिमियम वृद्धि, सात महिनामा झन्डै २२ अर्ब सङ्कलन

सञ्चालनमा रहेका २० वटा निर्जीवन बीमा कम्पनीले सात महिनाको अवधिमा झन्डै २२ अर्ब रुपियाँ प्रिमियम सङ्कलन गरेका छन् । अघिल्लो वर्षको सोही अवधिको तुलनामा २२.१२ प्रतिशतले बढी प्रिमियम सङ्कलन गर्न निर्जीवन बीमा कम्पनी सफल भएका छन् । चालू आर्थिक वर्षको माघ महिनासम्म निर्जीवन बीमा कम्पनीले २१ अर्ब ८१ करोड चार लाख रुपियाँ बराबरको बीमा शुल्क आर्जन गरेका हुुन् । यी कम्पनीले अघिल्लो वर्षको सोही अवधिमा १७ अर्ब ८६ करोड रुपियाँ...

अनुत्पादक क्षेत्रको कर्जामा कडाइ गर्दै राष्ट्र बैङ्क

पछिल्लो समय बैङ्किङ क्षेत्रमा देखिएको तरलतालाई सहज गराउन नेपाल राष्ट्र बैङ्कले अनुत्पादक क्षेत्रमा प्रवाह हुने कर्जामा थप कडाइ गर्ने भएको छ । चालू आर्थिक वर्षको मौद्रिक नीतिको अर्धवार्षिक समीक्षामार्फत यस्तो घोषणा गरिएको हो ।जग्गा प्लटिङ, हायर पर्चेज कर्जा, आया

बढ्यो वाणिज्य बैङ्कको नाफा

सञ्चालनमा रहेका २७ वटा वाणिज्य बैङ्कमध्ये २३ वटा बैङ्कले चालू आर्थिक वर्षको दोस्रो त्रैमासमा कुल २९ अर्ब ५९ करोड ९१ लाख रुपियाँ नाफा आर्जन गरेका छन् । आव २०७७/७८ को साउनदेखि पुससम्ममा २६ अर्ब ५० करोड ६१ लाख रुपियाँ नाफा गरेका बैङ्कहरूले यो वर्षको सोही अवधिमा तीन अर्ब रुपियाँ बढी नाफा आर्जन गरेका हुन् । गत वर्ष सोही अवधिको तुलनामा बैङ्कहरुको नाफा ११.६३ प्रतिशतले बढेको छ भने औसत नाफा २१.२४ प्रतिशतले बढेको छ ।

साढे १३ अर्ब पुनर्कर्जा स्वीकृत

कोरोना महामारीबाट सबैभन्दा बढी प्रभावित पर्यटन क्षेत्रले सर्वाधिक पुनर्कर्जा प्राप्त गरेको छ । नेपाल राष्ट्र बैङ्कको तथ्याङ्कमा चालू आर्थिक वर्षको पुस मसान्तसम्ममा स्वीकृत गरिएको पुनर्कर्जा सबैभन्दा बढी पर्यटन क्षेत्रमा देखिएको हो ।पुस मसान्तसम्म स्वीकृत पुनर्कर्जा १३ अर्ब ६१ करोड ५१ लाख रुपियाँमध्ये पर्यटन क्षेत्रका लागि झन्डै आधा अर्थात् ४९.८९ प्रतिशत रकम गएको छ । रकमका आधारमा हेर्ने हो भने पर्यटन क्षेत्रका...

नबिल र एनबी जोडिँदै इन्भेस्टमेन्ट र हिमालयनको अस्वीकृत

मर्जरका लागि सम्झौता भएदेखि नै मतभेद र विवाद देखिएको नेपाल इन्भेस्टमेन्ट बैङ्क र हिमालयन बैङ्कबीचको मर्जर प्रक्रिया टुुटेको छ । मर्जरका लागि समझदारीपत्रमा हस्ताक्षर भएको आठ महिनापछि दुवै बैङ्कको मर्जर प्रक्रिया टुुटेको हो । हिमालयन बैङ्कको साधारण सभाले इन्भेस्टमेन्ट बैङ्कसँग मर्जरको विशेष प्रस्ताव अस्वीकृत गरेको हो । शुक्रबार सम्पन्न बैङ्कको २९औँ वार्षिक साधारण सभाले उक्त प्रस्ताव अस्वीकृत गरेको हो । मर्जर...

सुस्तायो विद्युतीय कारोबार

कोरोना भाइरस (कोभिड–१९)को महामारीका बेला उच्च वृद्धि रहेको विद्युतीय कारोबार कोरोना प्रभाव कम हुँदै गएसँगै सुस्ताउन थालेको छ । नेपाल राष्ट्र बैङ्कको पछिल्लो तथ्याङ्कले असोजको तुलनामा कात्तिक महिनामा विद्युतीय कारोबार र अनलाइन भुक्तानीको सङ्ख्या र रकम दुवैमा गिरावट आएको देखिएको हो । मोबाइल बैङ्किङ, आईपीएस, वालेट, क्यूआर कोड, आरटीजीएस, इन्टरनेट बैङ्किङ, एटीएमलगायतका कारोबार घटेको हो ।

सहुलियत कर्जा प्रवाह वृद्धि

कोरोना सङ्क्रमण सुरु भएयता कृषि क्षेत्र तथा लघु, घरेलु तथा साना उद्योगमा बढेको आकर्षणसँगै सहुलियतपूर्ण कर्जा प्रवाह पनि बढेको छ । चालू आर्थिक वर्षको कात्तिक मसान्तसम्ममा दुई खर्ब पाँच अर्ब दुई करोड रुपियाँ सहुलियतपूर्ण कर्जा प्रवाह भएको छ ।

राष्ट्रिय अर्थतन्त्रमा खस्कियो कर्णालीको हिस्सा

राष्ट्रिय अर्थतन्त्रमा कर्णाली प्रदेशको योगदान घटेको छ । आव २०७७/७८ मा कुल गार्हस्थ्य उत्पादनमा कर्णाली प्रदेशको हिस्सा ४ प्रतिशत रहेको छ । यो अघिल्लो आर्थिक वर्ष २०७६/७७ मा ४.१ प्रतिशत रहेको थियो । कोभिड–१९ महामारीका कारण प्रदेश तथा स्थानीय तहका आर्थिक गतिविधि प्रभावित भएकाले यो प्रदेशले कुल गार्हस्थ्य उत्पादनमा अपेक्षित योगदान गर्न नसकेको राष्ट्र बैङ्कले जनाएको छ । नेपाल राष्ट्र बैङ्कले प्रकाशन गरेको आव २०७७/७८...