रुसी राष्ट्रपति पुटिन र इरानी समकक्षी इब्राहिमबीच भेट
रासस / एएनआई
माघ ६, २०७८ बिहीबार
रुसी राष्ट्रपति भ्लादिमिर पुटिनले आफ्ना इरानी समकक्षी इब्राहिम रायसीलाई भेटेर अफगानिस्तानको अवस्थाबारे आफू चिन्तित भएको र यस विषयमा छलफल गर्न चाहेको बताउनुभएको स्पुतनिकले जनाएको छ ।
‘अब अवश्य पनि तपाईं र हामी दुबै अफगानिस्तानमा विकास भइरहेको अवस्थाको बारेमा चिन्तित छौँ । म तपाईंसँग यी सबै मुद्दाहरू छलफल गर्न चाहन्छु र यस समस्यामा तपाईंको धारणा जान्न चाहन्छु,’ स्पुतनिकले पुटिनलाई उद्धृत गर्दे लेखेको छ।
