गोरखापत्र अनलाइन
काठमाडौं, वैशाख ५ गते । त्रिकोणात्मक टी ट्वान्टी अन्तर्राष्ट्रिय शृङ्खला अन्तर्गतको दोस्रो खेलमा नेदरल्याण्ड्सले टस जितेर पहिला ब्याटिंग गर्ने निर्णय गरेको छ । प्रतियोगिता अन्तर्गत आज हुने खेलमा नेदरल्याण्ड्सले मलेसियाको सामना गर्दैछ ।
कीर्तिपुरस्थित त्रिवि क्रिकेट ग्राउन्डमा मध्यान्ह १२ बजेबाट नेदरल्याण्ड्स र मलेसियाबीचको खेल हुनेछ । पहिलो खेलमा हार बेहोरेको नेदरल्याण्ड्सले दोस्रो खेलमा जित हात पार्दै प्रतियोगिताको फाइनलसम्म पुग्ने सम्भावनालाई जीवित राख्ने लक्ष्यसहित मैदानमा उत्रिनेछ । अन्तर्राष्ट्रिय टी ट्वान्टीको विश्व वरीयतामा ३१ औं स्थानमा रहेको मलेसियाले भने १७ औं स्थानको नेदरल्याण्ड्समाथि जित हात पार्ने लक्ष्य राखेको छ ।
प्रतियोगिता अन्तर्गतको पहिलो खेलमा नेपालले नेदरल्याण्ड्समाथि नौ विकेटको विशाल जित हात पारेको थियो ।
२०८१ मंसिर ८ शनिवार
