गोरखापत्र अनलाइन
काठमाडौं, बैशाख ११ गते । नेपालका ओपनर ब्याट्सम्यान कुशल भुर्तेलले त्रिकोणात्मक टी ट्वान्टी अन्तर्राष्ट्रिय प्रतियोगितामा नेदरल्याण्ड्स बिरुद्ध अद्र्धशतक पुरा गर्नुभएको छ । प्रतियोगितामा यो उहाँको चौथो अद्र्धशतक हो ।
कीर्तिपुरस्थित त्रिवि क्रिकेट ग्राउन्डमा भइरहेको फाइनल खेलमा टस हारेर पहिला ब्याटिंग गर्ने निम्ता पाएको नेपालले औसत सुरुवात गरेको थियो । ओपनर कुशल भुर्तेलले मात्र ४३ बलमा पाँच चौका र दुई छक्का लगाएर आफ्नो अद्र्धशतक पुरा गर्नुभयो । ११ रनको ब्यक्तिगत् योगफलमा पहिलो जिवनदान पाएका कुशलले १३ औं ओभरको चौथो बलमा फिलिप बोस्सेभेनको बलमा छक्का लगाउँदै अद्र्धशतक पुरा गर्नुभयो । उहाँ हाल ४९ बलमा ६९ रन बनाएर अविजित हुनुहुन्छ । उहाँलाई कुशल मल्लले साथ दिनुभएको छ । मल्लले १३ बलमा २६ रन बनाउनुभएको छ ।
नेपालले १४ ओभर तीन बलमा दुई विकेटको क्षतिमा १५३ रन जोडेको छ । कप्तान ज्ञानेन्द्र मल्लले १९ बलमा ३३ रन तथा आशिफ शेषले मात्र आठ बलमा १६ रन बनाएर पेभेलियन फर्किनुभयो ।
२०८१ मंसिर ८ शनिवार
