गोरखापत्र अनलाइन
काठमाडौं, असार २४ गते । सिमरन हैटमर, शेल्डन कट्रेल र रोष्टन चेज वेष्टइन्डिजको अन्तर्राष्ट्रिय एकदिबसीय टोलिमा पुनरागमन गर्नुभएको छ । वेष्टइन्डिजले जुलाई २० देखि अष्ट्रेलिया बिरुद्ध तीन खेलको एकदिबसीय श्रृखंला खेल्नेछ । तीनवटै एकदिबसीय खेल बारबाडोसमा खेलाइनेछ ।
तीनैजना खेलाडीले श्रीलङ्का बिरुद्धको एकदिबसीय श्रृखंला गुमाएका थिए । अलराउन्डर रोष्टन चेज र मध्यक्रमका ब्याट्सम्यान हैटमर दक्षिण अफ्रिका बिरुद्धको टेष्ट र टी ट्वान्टी लिगमा सहभागी हुनुभएको थियो । तर देब्रे हाते तीब्र गतिका बलर कट्रेल भने सन् २०२० को नोभेम्बर यता राष्ट्रिय टोलिमा पर्नुभएको छैन् ।
क्यारन पोलार्ड कप्तान रहने टोलिमा शाई होपलाई उपकप्तानको जिम्मेवारी दिइएको छ । एभिन लेविस, जैसन मोहम्मद, फाबियन एलन, जैसन होल्डर, एन्डरसन फिलिप, डारने ब्राभो टोलिमा अटाएका छन् । वेष्टइन्डिज क्रिकेट बोर्डले अकैल होसेन, निकोलास पूरन, रोष्टन चेज, अल्जारी जोसेफ र रोमारियो शेफर्ड सम्मिलित टोलि घोषणा गरेको छ ।
२०८१ कार्तिक १६ शुक्रवार
