गोरखापत्र अनलाइन
काठमाडौं, साउन २२ गते । बङ्गलादेश क्रिकेट टोलि इतिहास बनाउने संघारमा पुगेको छ । क्रिकेटको कुनै पनि स्वरुपमा अष्ट्रेलियालाई हराएर पहिलो पटक श्रृखंला जित्ने इतिहास बनाउने अबसर बङ्गलादेशलाई जुरेको छ । पाँच खेलको टी ट्वान्टी श्रृखंलाको पहिलो दुई खेल जितेको बङ्गलादेशले तेस्रो टी ट्वान्टी जिते अष्ट्रेलिया बिरुद्ध पहिलो पटक क्रिकेटको कुनै स्वरुपमा श्रृखंला जित्ने कीर्तिमान बनाउनेछ । तेस्रो टी ट्वान्टी आज राति ढाकामा खेलाइदैछ ।
अन्तर्राष्ट्रिय टी ट्वान्टीको पछिल्लो पाँच खेलमा अष्ट्रेलियाले एउटा मात्रै जित हात पारेको छ । अष्ट्रेलियाले विदेशी भूमीमा मौसमलाई जिम्मेवार बनाउँदैछ । तर बङ्गलादेश भ्रमण अघि करिब मिल्दो मौसममा वेष्टइन्डिज बिरुद्धको श्रृखंलामा समेत उसले गतिलो प्रदर्शन दिन सकेन । र पाँच खेलको टी ट्वान्टी ४–१ ले हार्न पुग्यो ।
२०८१ कार्तिक १७ शनिवार
