गोरखापत्र अनलाइन
काठमाडौं, भदौ ६ गते । अफगानिस्तानका विकेटकीपर ब्याट्सम्यान मोहम्मद शहजाद एभरेष्ट प्रिमियर लिग(इपीएल) खेल्नुहुने भएको छ । उहाँलाई चितवन टाइगर्सले अनुबन्धन गरेको हो ।
इपीएलले सामाजिक सञ्जाल फेसबुकमा मोहम्मद शहजाद चितवनमा आबद्ध भएको उल्लेख गरेको छ । शहजादले अफगानिस्तानका लागि दुई टेष्ट, ८५ अन्तर्राष्ट्रिय एकदिबसीय र ६४ टी ट्वान्टी अन्तर्राष्ट्रिय खेल्नुभएको छ । उहाँले ८५ एकदिबसीयमा ३३ को औसतले दुई हजार ७६३ रन बनाउनुभएको छ । टी ट्वान्टीमा शहजादले १३४ को स्ट्राइक दरले एक हजार ८६० रन बनाउनुभएको छ । अन्तर्राष्ट्रिय एकदिबसीयमा शहजादले छ शतक र टी ट्वान्टी अन्तर्राष्ट्रियमा एक शतक लगाउनुभएको छ । उहाँ करिब एक दशकदेखि अफगानिस्तानको राष्ट्रिय क्रिकेट टोलिमा हुनुहुन्छ ।
२०८१ कार्तिक १७ शनिवार
