गोरखापत्र अनलाइन
काठमाडौं, भदौ १२ गते । काठमाडौं किंग्स एलेभनले तीब्र गतिका बलर गुलशन झासँग एभरेष्ट प्रिमियर लिग खेल्न सम्झौता गरेको छ । काठमाडौं किंग्स एलेभनले गुलशन झासँग शुक्रबार अबेर आबद्धताको सम्झौता भएको जनाएको छ ।
मेयर्स कप क्रिकेटमा नेपाल पुलिसबाट राष्ट्रिय प्रतियोगितामा ‘डेब्यु’ गर्नुभएका गुलशन पहिलो प्रयासमै राष्ट्रिय टोलिमा पर्न सफल हुँदै हाल ओमानमा हुनुहुन्छ । ओमानमा अमेरिका र ओमान सम्मिलित विश्वकप क्रिकेट लिग–२ खेल्ने टोलिमा स्थान सुनिश्चित गरेपछि टोलिसँगै हाल उहाँ ओमान भ्रमणमा हुनुहुन्छ ।
काठमाडौं किंग्स एलेभनले गुलशनसँग सम्झौता गरिएको जानकारी सामाजिक सञ्जाल फेसबुकमा साझा गरेको छ । एभरेष्ट प्रिमियर लिगको आगामी संस्करण सेप्टेम्बर २५ देखि सुरु हुँदैछ ।
२०८१ कार्तिक १७ शनिवार
