काठमाडौं, असोज १३ गते । चौंथो संस्करणको एभरेष्ट प्रिमियर लिग (ईपीएल० टी–२० ) क्रिकेट खेलमा बुधबार पोखरा राइजोन विजयी भएको छ । कीर्तिपुरस्थित त्रिवि क्रिकेट मैदानमा आज भएको खेलमा ललितपुर प्याट्रियट्सलाई ९ विकेटले पराजित गर्दै पोखराले पहिलो जित निकालेको हो । ललितपुरले दिएको ५२ रनको लक्षय पोखराले ६ ओभर ३ बलमा १ विकेट गुमाएर पूरा गर्यो । यसअघि टस हारेर पहिलो ब्याटिङ गरेको ललितपुरले निर्धारित ७ ओभरमा ६ विकेट गुमाएर ५१ रन बनाएको थियो । क्रिकेट मैदान भिजेका कारण खेल सात ओभरमा झारिएकाे थियाे ।
२०८१ मंसिर ९ आईतवार
