.JPG)
काठमाडौँ, फाल्गुन ३ गते । धनगढीमा जारी धनगढी मेयर लिटल फ्लावर प्रिमियर लिग यू–१९ विद्यालय स्तरीय टी–२० क्रिकेट प्रतियोगितामा मंगलबार एभरेस्ट एकेडेमी अत्तरिया र गुरुकुल इङ्लिस स्कुल विजयी भएका छन् ।
धनगढी स्थित संघीय प्रहरीको खेल मैदानमा भएको पहिलो खेलमा एभरेस्ट एकेडेमी होलिल्यान्ड स्कुललाई नौ विकेटले हरायो । होलिल्यान्डले दिएको ६३ रनको लक्ष्य एभरेस्टले ७.५ ओभरमा एक विकेट क्षतिमा पूरा गरेको थियो । अर्को खेलमा गुरुकुलले स्टेपिङ स्टोन स्कुल धनगढीलाई एक सय २९ रनले हरायो । गुरुकुलले दिएको एक सय ८६ रनको विजयी लक्ष्य पछ्याएको स्टेपिङ स्टोन १५.५ ओभरमा सवै विकेटको क्षतिमा ५६ रनमा समेटिएको थियो ।
प्रतियोगितामा १० टोलीमो सहभागिता रहेको छ । प्रतियोगिताको विजेता टोलीलाई १ लाख ५० हजार र उपविजेतालाई ७५ हजार रुपियाँ पुरस्कार प्रदान गरिने छ । उत्कृस्ट खेलाडीलाई २० हजार तथा उत्कृस्ट ब्याट्सम्यान र बलरलाई जनही १० हजार रुपियाँ प्रदान गरिने आयोजकले जनाएको छ ।
