काठमाडौँ, फाल्गुन ५ गते । नगढी मेयर लिटल फ्लावर प्रिमियर लिग (एलपीएल) विद्यालय स्तरीय यू-१९ क्रिकेट प्रतियोगिता अन्तर्गत चौथो दिन बिहीबार होलिल्यान्ड इङ्लिस स्कुल अत्तरिया र लिटल फ्लावर स्कुल धनगढी विजयी भएका। संघीय प्रहरीको खेल मैदानमा भएको पहिलो खेलमा होलिल्यान्ड इङ्लिस स्कुल अत्तरियाले शारदा सरस्वती स्कुललाई दुई विकेटले हरायो ।
धनगढीस्थित संघीय प्रहरीको खेल मैदानमा शारदाले दिएको ७५ रनको लक्ष्य होलिल्यान्डले १६.२ ओभरमा आठ विकेटको क्षतीम भेट्टाएको थियो । यसअघि टस जितेर पहिले ब्याटिङ गरेको शारदाले १८.३ ओभरमा सवै विकेटको क्षतिमा ७४ रन बनाएको थियो । खेलको प्लेयर अफ दि म्याच सन्जय बोहरा चुनिनुभयो ।
अर्को खेलमा आयोजक लिटल फ्लावर स्कुलले स्टेपिङ स्टोन धनगढीलाई ७१ रनले हरायो । लिटल फ्लावरले दिएको एक सय ६३ रनको जिय लक्ष्य पछ्याउने क्रममा स्टेपिङ स्टोनले निर्धारित २० ओभरमा सात विकेट क्षेतिमा ९१ रन मात्र बनाउन सक्यो। यसअघि टस हारेर ब्याटिङ गरेको लिटल फ्लावरले निर्धारित २० ओभरमा आठ विकेट क्षेतीमा एक सय ६२ रन बनाएको थियो । खेलको प्लेयर अफ दि म्याच सुवास ऐर घोषित हुनुभयो ।
१० टोलीमक सहभागिता रहेको प्रतियोगिताको विजेता टोलीलाई १ लाख ५० हजार र उपविजेतालाई ७५ हजार रुपियाँ पुरस्कार प्रदान गरिनेछ । उत्कृस्ट खेलाडीलाई २० हजार तथा उत्कृस्ट ब्याट्सम्यान र बलरलाई जनही १० हजार रुपियाँ प्रदान गरिने आयोजकले जनाएको छ ।
