काठमाडौँ, फाल्गुन ६ गते । धनगढी मेयर लिटल फ्लावर प्रिमियर लिग क्रिकेटमा शुक्रबार अत्तरियाको सत्यवती एकेडेमी र होलिल्याण्ड विजयी भएका छन् । पहिलो खेलमा अत्तरियाको सत्यवती एकेडेमीले लम्कीको गुरुकुल स्कुलमाथि एक सय ५४ रनको विशाल जित दर्ता गरेको छ । दोस्रो खेलमा सैनिक आवासीय महाविद्यालय तेघरी होलिल्याण्डसँग पाँच विकेटले पराजित भयो ।
पहिलो खेलमा टस जितेर पहिले ब्याटिङ गर्ने निर्णय गरेको सत्यवतीले १९.४ ओभरमा सबै विकेट गुमाएर दुई सय ९ रन बनायो । दुई सय १० रनको दुई १० रनको विजयी लक्षसहित मैदान उत्रेको गुरुकुलका कुनै पनि ब्याट्सम्यानको प्रदर्शन सम्झन लायक रहेन ।
अर्को खेलमा टस जितेर ब्याटिङ गरेको सैनिकले निर्धारित २० ओभरमा सात विकेट गुमाएर एक सय ५७ रन बनायो । एक सय ५८ रनको विजयी लक्ष पछ्याएको होलिल्याण्डले १७.२ ओभरमा ६ विकेट गुमाएर लक्ष भेट्टाएको थियो ।
