काठमाडौँ, फाल्गुन ८ गते । नेपालले मलेसिया र पपुवा न्युगिनीसँग घरेलु मैदान टियुमा त्रिकोणात्मक टी–२० क्रिकेट सिरिज आयोजना गर्ने भएको छ । नेपाल क्रिकेट संघ (क्यान) ले मार्च अन्तिम साता त्रिकोणात्क सिरिज आयोजना गर्ने जनाएको हो ।मार्च मध्यमा यूएईमा आईसीसी क्रिकेट विश्वकप लिग–२ अन्तर्गत नेपाल, पपुवा न्युगिनी र यूएईबीच त्रिकोणात्मक एकदीवसीय सिरिज हुने तालिका छ ।
यूएई भम्रणको औपचारिक मिति तय भएको छैन । नेपालले उक्त सिरिजको तयारी स्वरुप घरेलु मैदानमा सिरिज आयोजना गर्न लागेको हो । नेपाली क्रिकेट टोली अहिले ओमानमा आईसीसी टी–२० विश्वकप ग्लेबल छनोट खेल खेलिरहेको छ ।
