काठमाडौँ, फाल्गुन २८ गते । नेपाली राष्ट्रिय क्रिकेट टोलीले घरेलु मैदानमा खेल्ने एकदिवसीय र त्रिदेशीय टी–२० क्रिकेट सिरिजको खेल तालिका सार्वजनिक भएको छ । नेपाल क्रिकेट संघ (क्यान) ले शनिबार पपुवा न्युगिनी (पीएनजी) सँगको एकदिवसीय तथा पीएनजी र मलेसियासँगको त्रिदेशीय टी–२० क्रिकेट सिरिजको खेल तालिका सार्वजनिक गरेको हो ।
तालिका अनुसार कीर्तिपुर स्थित टियु मैदानमा नेपालले एकदिवसीय सिरिजको पहिलो खेल मार्च २५ र दोस्रो खेल २६ तारिख खेल्नेछ । यसैगरी नेपाल, पीएनजी र मलेसियाबीचको त्रिदेशीय टी–२० सिरिज मार्च २८ देखि सुरु हुनेछ । नेपालले मार्च २८ मापीएनजी, ३० मा मलेसिया, ३१ मा पीएनजी र अप्रिल २ तारिख मलेसियासँग खेल्नेछ । फाइनल खेल अप्रिल ४ मा हुनेछ ।
