काठमाडौँ, चैत ६ गते । द हिमालयन क्लव अस्ट्रेलियाको आयोजनामा अस्ट्रेलियाको मेलबर्नमा जारी कँडेल कन्सल्टेन्सी क्रिकेट कार्निभलमा आइतबार द हिमालयन क्लब, गुल्मी टाइगर्स, एक्स्पर्ट सगरमाथा ब्लुज र मभेन क्रिकेट विजयी भएका छन्। पहिलो खेलमा द हिमालयन क्लबले रोयल राइनोज क्रिकेट क्लबलाई सात विकेटले हरायो ।
दोस्रो खेलमा गुल्मी टाइगर्सले दोस्रो जित दर्ता गर्ने क्रममा गोर्खाली क्रिकेट क्लबलाई १० रनले पराजित गरेको छ । तेस्रो खेलमा एक्स्पर्ट सगरमाथा ब्लुजले फारवेस्ट हन्टर्सलाई तीन विकेटले हरायो । चौथो खेलमा मभेन क्रिकेट क्लबले एभरेस्ट लायन्सलाई ६ विकेटले पराजित गरेको छ ।
प्रतियोगिताको समूह चरणको अन्तिम खेलहरु अर्को शनिबार हुनेछ । फाइनल खेल आइतबार हुने आयोजकले जानएको छ । प्रतियोगिताको विजेताले तीन हजार डलर र दोस्रो हुने टोलीले एक हजार डलर पुरस्कार पाउनेछ ।
