काठमाडौँ, कात्तिक ८ गते । के तपाईलाई आफूले प्रयोग गरेको सेवाको गुनासो कसरी गर्ने भनेर सोच्दै हुनुहुन्छ ? त्यसो हो भने उद्योग बाणिज्य तथा आपूर्ति मन्त्रालय मन्त्रालयले उपभोक्ताको गुनासो सुन्ने एप सार्वजनिक गरेको छ ।
वाणिज्य, आपूर्ति तथा उपभोक्ता हित संरक्षण विभागले शुक्रबार एप सार्वजनिक गरेको हो । सो एप प्रयोग गर्ने तपाईले कन्जुमर कम्प्लेन एप ‘उपभोक्ता गुनासो एप’ एप स्टोरबाट डाउनलोड गर्न सक्नु हुनेछ ।
उपभोक्ताहरुलाई आफ्नो अधिकार संरक्षणका लागि जागरुक बनाउ, विभागले उपभोक्ताको अधिकार र संरक्षणको कार्यमा सक्रिय पारदर्शी र जिम्मेबार बनाउन एप सार्वजनिक गरेको हो ।
व्यवसायीलाई उपभोक्तामुखी बन्न तथा स्वच्छ र प्रतिस्पर्धी बजार बनाउन योगदान गर्ने उदेश्यले उद्योग बाणिज्य तथा आपूर्ति मन्त्रालय मन्त्री मातृकाप्रसाद यादवले एपको शुभारम्भ गर्नु भएको हो ।
उपभोक्ताले आफ्नो मोबाइलमा गुनासो गर्ने प्रविधीको लागि एपको प्रयोग गर्न सकिने विभागले जनाएको छ । तर त्यसको लागि मोबाइलमा एप डाउनलोड गर्ने अथवा आफ्नो मोबाइलबाट एसएमएस गर्न सकिनेछ । सोही गुनासोको आधारमा त्यसको वास्तविकता बुझेर विभागले कारवाही गर्ने प्रकृया अघि बढाउने छ ।
जति धेरै गुनासो त्यतिनै धेरै सक्रियता हुने भएकाले उपभोक्ताको गुनासोका आधारमा व्यवसायीको व्यवसायिक क्रियाकलाप र बजार स्वस्च्छ तथा उपभोक्तामुखी बन्दै जाने विश्वास विभागले गरेको छ ।
