काठमाडौं, पुस ६ गते । सुनचाँदी बजारमा आज छापावाल सुनको मूल्य प्रतितोला रु. आठ सयले घटेर रु. ९३ हजार तोकिएको छ । पहेँलो धातु अघिल्लो दिन प्रतितोला रु. ९३ हजार आठ सयमा कारोबार भएको थियो ।
नेपाल सुनचाँदी व्यवसायी महासङ्घले सार्वजनिक गरेको विवरणानुसार तेजाबी सुनको आजको मूल्य प्रतितोला रु. ९२ हजार पाँच सय कायम भएको छ जसको मूल्य सोमबार प्रतितोला रु. ९३ हजार तीन सय तोकिएको थियो ।
त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला रु. १० ले घटेर रु. एक हजार २३५ तोकिएको महासङ्घले जनाएको छ ।
