सात सय क्विन्टल अग्र्यानिक स्याउ बिक्री

कृषि ज्ञान केन्द्र बाजुराले किसानलाई राहतस्वरुप ६०० क्विन्टल ढुवानी सुविधालाई आधार मानेर ७०० क्विन्टल स्याउ बिक्री गरेको छ । केन्द्रले दिएको राहत अनुदानभन्दा १०० क्विन्टल बढी स्याउ बिक्री भएको कृषि ज्ञान केन्द्र बाजुराका कृषि प्रसार अधिकृत मीनप्रसाद जोशीले बताउनुभयो ।

तिहारमा २५ लाख मालाको माग

यस वर्षको तिहारमा गत वर्षभन्दा रु आठ लाख बढी फूलको माला खपत हुने भएको छ । गत वर्ष तिहारमा १७ लाख माला खपत भएको थियो । यस वर्ष भने बजारमा २५ लाख मालाको माग रहेको बताइएको छ ।

स्थानीय फूलले नै मागको ८० प्रतिशत धान्ने

नेपालीहरूको दोस्रो महान चाड तिहारका लागि यस वर्ष पोखरामा ८० प्रतिशत स्थानीय फूलले धान्ने दाबी गरिएको छ ।

माथिल्लो अरुणको सर्वेक्षण अनुमति

सरकारले माथिल्लो अरुण अर्ध जलाशययुक्त जलविद्युत् आयोजना निर्माणका लागि सर्वेक्षण अनुमति प्रदान गरेको छ । ऊर्जा जलस्रोत तथा सिँचाइ मन्त्रालयले एक हजार ६१ मेगावाट क्षमताको उक्त आयोजनाको सर्वेक्षणका लागि नेपाल विद्युत् प्राधिकरणको पूर्ण स्वामित्वको कम्पनी अपर अरुण हाइड्रो इलेक्ट्रिक लिमिटेडलाई दुई वर्षका लागि अनुमति दिएको हो ।

बङ्गलादेशसँग जलमार्गको प्रस्ताव

मङ्गलबारदेखि राजधानीमा सुरु भएको नेपाल–बङ्गलादेश व्यापारसम्बन्धी प्राविधिक समितिको बैठकमा नेपालले बङ्गलादेशसम्म जलमार्ग सञ्चालनको सम्भावनामा विषयमा प्रस्ताव अगाडि बढाएको छ । बङ्गलादेशसँग प्रत्यक्ष सम्पर्क बढाउने उपायका रूपमा जलमार्गको विषयलाई समेत नेपालले प्रस्तावमा राखेको हो ।