दूध प्रतिलिटर पचासी रूपियाँ

सरकारको स्वामित्वमा रहेको दुग्ध विकास संस्थान (डीडीसी)ले दूधको उपभोक्ता मूल्य प्रतिलिटर नौ रुपियाँ वृद्धि गरी ८५ रुपियाँ निर्धारण गरेको छ । डीडीसीको बुधबार बसेको सञ्चालक समितिको बैठकले सो मूल्य निर्धारण गरेको हो । यसअघि मन्त्रिपरिषद्को बैठकले किसानका लागि प्रतिलिटर ६.५२ रुपियाँ वृद्धि गरी ५६.०४ रुपियाँ निर्धारण गरेको थियो । त्यसअघि किसानले बेच्ने दूधको मूल्य प्रतिलिटर ४९.५२ रुपियाँ थियो ।

चुलिँदै चुनौती

मुलुकको आर्थिक/वित्तीय अवस्थाको चुनौती चुलिँदै गएको देखिएको छ । नेपाल राष्ट्र बैङ्कले बुधबार सार्वजनिक गरेको चालू आर्थिक वर्ष (२०७८/७९)को अर्धवार्षिक आर्थिक तथा वित्तीय स्थितिसम्बन्धी प्रतिवेदनले अर्थतन्त्रको अवस्था चुनौतीपूर्ण देखाएको हो ।

घरेलु उद्योगमा आकर्षण

बाँके जिल्लामा साना तथा घरेलु उद्योग थपिने क्रम बढ्दै गएको छ । कोभिड–१९ महामारीका कारण आर्थिक समस्या बढ्दै गएपछि जिल्लामा घरेलु तथा साना उद्योगतर्फ धेरैको आकर्षण बढेको हो । घरेलु तथा साना उद्योग कार्यालय बाँकेका सूचना अधिकारी काशिलाल अधिकारीले चालू आर्थिक वर्षको छ महिनामा एक हजार १९४ घरेलु तथा साना उद्योग दर्ता भएको जानकारी दिनुभयो ।

सञ्चालनको तयारीमा सीजी सिमेन्ट उद्योग

पाल्पाको रैनादेवी छहरा–२, सर्देवाफाँटमा निर्माणधीन सीजी सिमेन्ट उद्योग आगामी महिनादेखि सञ्चालनम आउने भएको छ । दैनिक चार हजार मेट्रिक टन क्लिङ्कर र तीन हजार मेट्रिक टन सिमेन्ट उत्पादन गर्ने लक्ष्यका साथ निर्माण भइरहेको उक्त सीजी सिमेन्ट उद्योग पाल्पा प्रालिको निर्माण कार्य अन्तिम चरणमा छ ।

छ महिनामा कूल व्यापार घाटा आठ खर्ब ८० अर्ब

चालु आर्थिक वर्षको छ महिनामा कूल व्यापार घाटा रु आठ खर्ब ८० अर्ब ४९ करोड कायम भएको छ । आयातमा उल्लेख्य वृद्धि भएका कारण व्यापार घाटामा वृद्धि भएको हो । नेपाल राष्ट्र बैंकले आज सार्वजनिक गरेको चालू आवको छ महिनाको विवरणअनुसार कूल वस्तु व्यापार घाटा ४६.६ प्रतिशतले वृद्धि भएको हो ।