बढ्यो सुनचाँदीका मूल्य 

सुनचाँदी बजारमा आज छापावाल सुनको प्रतितोला रु. ३०० ले उकालो लागेर रु. ९३ हजार ४०० पुगेको छ । पहेँलो धातु मङ्गलबार प्रतितोला रु. ९३ हजार १००मा कारोबार भएको थियो ।    

अवसरको फाइदा लिन आग्रह

दक्षिण कोरिया सरकारले त्यहाँ अवैधानिक रूपमा बसेका आप्रवासी श्रमिकलाई बिनाजरिवाना देश छाड्ने सुविधा दिएकाले त्यस अवसरलाई सदुपयोग गर्न त्यहाँस्थित नेपाली दूतावासले आफ्ना नागरिकलाई आग्रह गरेको छ ।

प्राङ्गारिक मलप्रति किसानको आकर्षण बढ्दै

रासायनिक मलको अभाव भइरहेको बेला धनुषाको एक किसानले गँड्यौलाको सहायताले प्राङ्गारिक मल उत्पादन गरेर उदाहरणीय कार्य गर्नुभएको छ । गणेशमान चारनाथ नगरपालिका–९ बरमझियाका ५० वर्षीय रामपुकार यादव आफैँले उत्पादन गर्नुभएका प्राङ्गारिक मल यस वर्ष मात्र १८ क्विन्टल बिक्री गर्नुभयो । दुई बिघा जग्गामा अन्नपात उत्पादन गर्दै आउनुभएका यादवले

पेट्रोलियमको मूल्य वृद्धिबारे छानबिन हुने

पेट्रोलियम पदार्थको निरन्तरको मूल्यवृद्धिको छानबिनका लागि सङ्घीय संसद्ले समिति गठन गरेको छ । राज्यका निर्देशक सिद्धान्त, नीति र दायित्वको कार्यान्वयन अनुगमन तथा मूल्याङ्कन समितिले मूल्यवृद्धि छानबिनका लागि तीन सदस्यीय उपसमिति गठन गरेको हो ।

इमर्जिङ नेपालको आइपिओमा आजदेखि आवेदन

इमर्जिङ नेपाल लिमिटेडले आजदेखि सर्वसाधारणका लागि साधारण शेयर बिक्री खुला गरेको छ । कम्पनीले प्रतिकित्ता रु १०० अङ्कित मूल्यमा रु पाँच करोड ५५ लाख ६० हजार बराबरको पाँच लाख ५५ हजार ६०० कित्ता प्रारम्भिक सार्वजनिक निष्काशन (आइपिओ)को बिक्री खुला गरेको हो । कम्पनीले निष्काशन गर्ने साधारण शेयरमध्ये पाँच प्रतिशत अर्थात् २७ हजार ७८० कित्ता सामूहिक लगानी कोषका लागि छुट्याएको छ भने दुई प्रतिशत अर्थात् ११ हजार ११२ कित्ता...