विद्युत् उत्पादन आधाभन्दा कम

सुक्खा मौसम सुरु भएसँगै इलाममा सञ्चालित विद्युत् आयोजनाले क्षमताको आधाभन्दा कम विद्युत् उत्पादन गरिरहेका छन् । यस जिल्लामा सञ्चालनमा रहेका सबैजसो विद्युत् आयोजनाले अहिले ३७ मेगावाट मात्रै उत्पादन गरिरहेका छन् । यहाँको कुल उत्पादन क्षमता ९७ मेगावाट हो । अहिले दुहबी ग्रिडअन्तर्गत गोदक सबस्टेसनमा जोडिएका २५.८ मेगावाटको पञ्चकन्या हाइड्रोको उत्पादन पाँच मेगावाटमा झरेको छ ।

नेप्से परिसूचक झिनो अङ्कले बढ्यो

धितोपत्र बजारमा शेयर कारोबार मापक नेप्से परिसूचक आज झिनो अङ्कले उकालो लागेको छ । नेपाल स्टक एक्सचेञ्जका अनुसार साताको दोस्रो दिन नेप्से परिसूचक १.५५ अङ्कले उकालो लागेर दुई हजार ५४४.९४ मा पुगेको हो ।

१३२ केभीबाट विद्युत् लिन आग्रह

उद्योगलाई चाहिएजति र गुणस्तरीय बिजुली आपूर्ति गर्न नेपाल विद्युत् प्राधिकरणले औद्योगिक ग्राहकलाई १३२ केभी प्रसारण लाइनबाट सिधै आपूर्ति लिन आह्वान गरेको छ । प्राधिकरणका कार्यकारी निर्देशक कुलमान घिसिङले बारा–पर्सा औद्योगिक कोरिडोरका उद्योगलाई १३२ केभी प्रसारण लाइनबाट विद्युत् लिन आह्वान गर्नुभएको हो । सो औद्योगिक कोरिडोरमा सञ्चालनको तयारीमा रहेका, भविष्यमा खुल्ने र थप विद्युत् माग गर्ने उद्योगलाई १३२ केभीमा...

निगमलाई साउदी उडानको बाटो खुल्यो

नेपाल वायुसेवा निगमलाई साउदी अरबमा उडानको बाटो खुलेको छ । साउदी अरबको नागरिक उड्डयन सङ्गठन (जीएसीए)ले आइतबार निगमलाई उडानको औपचारिक स्वीकृति दिएको हो । अनुमतिअनुसार अबदेखि निगमका जहाजले साउदी अरबको रियाद, दमाम र जेददामा उडान भर्न पाउनेछन् ।

उद्धारका लागि जानकारी गराउन आग्रह

श्रम, रोजगार तथा सामाजिक सुरक्षा मन्त्रालयमा रहेको कल सेन्टरले रुस–युक्रेन युद्धमा फसेका नेपाली नागरिकलाई उद्धार गर्नुपर्ने भए जानकारी गराउन आग्रह गरेको छ ।वैदेशिक रोजगार कार्यालयबाट श्रम स्वीकृति लिई वा नलिई रुस तथा युक्रेनमा गएका र त्यहाँ जारी युद्धका कारण समस्यामा परेका व्यक्तिलाई सम्पर्कमा आउन मन्त्रालयले आग्रह गरेको हो ।