१६ सयले घट्यो सुनको मूल्य

सुनचाँदी बजारमा आज छापावाल सुनको मूल्य प्रतितोला १६ सयले घटेर ९५ हजार एक सयमा कारोबार भइरहेको छ । पहेँलो धातु अघिल्लो दिन प्रतितोला ९६ हजार सात सयमा कारोबार भएको थियो ।

सुकिलुम्बामा तारा एयरले नियमित उडान भर्ने

यती एयरलाइन्सको भगिनी संस्था तारा एयरले ईलामको फाल्गुन्द सुकिलुम्बा विमानस्थलमा यही फागुन ११ गतेदेखि साताको दुई दिन उडान भर्ने भएको छ ।

पोखरामा ‘अन्नपूर्ण केबुलकार’को व्यावसायिक सञ्चालन

पोखरास्थित महत्वपूर्ण पर्यटकीय गन्तव्य फेवाताल किनारबाट अर्को पर्यटकीयस्थल सराङकोटडाँडा जोड्ने गरी निर्माण गरिएको केबुलकार यही फागुन ६ गतेदेखि व्यावसायिक सञ्चालनमा आउने भएको छ ।

राष्ट्र उत्थान लघुवित्तको आइपिओ खुल्याे

राष्ट्र उत्थान लघुवित्त वित्तीय संस्था लिमिटेडले आजदेखि सर्वसाधारणका लागि साधारण शेयर बिक्री खुला गरेको छ । कम्पनीले प्रतिकित्ता रु १०० अङ्कित मूल्यमा रु आठ करोड ५० लाख मूल्य बराबरको आठ लाख ५० हजार कित्ता प्रारम्भिक सार्वजनिक निष्काशन (आइपिओ)को बिक्री खुला गरेको हो ।

ग्वारखोला हाई ड्यामको विस्तृत परियोजना तयार हुँदै

दस हजार हेक्टर क्षेत्रफलमा सिँचाइ सुविधा पु¥याउनका लागि बहुउद्देश्यीय हाई ड्यामको विस्तृत परियोजना काम सुरु भएको छ । बृहत् दाङ उपत्यका आयोजनामार्फत ग्वार खोला विस्तृत परियोजनाको काम सुरु गरिएको हो । दाङ उपत्यकामा बग्ने खोलामध्ये हाल सबैभन्दा बढी क्षेत्रमा सिँचाइ सुविधा पु¥याइरहेको ग्वार खोला हो । यो खोलाको मुहान क्षेत्र सल्यान र रोल्पाको दक्षिणी क्षेत्रमा रहेको छ ।